قال الذي جار الزمان وتحداه

[جمعه ابومزون]

السلام عليكم ورحمة الله وبركاته

لكل انسان ذكرى ولكل قلب لكمة .... والدنيا تدور وتدور ولايصح الا الصحيح لا اريد الاطالة .... اترككم مع القصيدة

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""] قال الذي جار الزمان وتحداه = عيا زمانه لا يعينه و يعطيه
حتى يساره ماتساعد ليمناه = عزيل من مثله زمانه مشقيه
يبريه وقته كالقلم يوم يبراه = طفل ٍ غشيم ولاعرف كيف يبريه
على الذي ماشافت العين حلياه = سبحان رب ٍ من حلا الزين كاسيه
ريمية ٍ بين البساتين مفلاه = ترتع وحدها والخشر ماتدانيه
على الشرف والطيب واليه رباه = مادنسوا عرضه ولا حد ٍحكى فيه
الله ياوقت ٍمضى كنت وياه = مستانسين وسرنا مانبديه
سر ٍ خفي وداخل القلب سكناه = محروس بضلوعي وبالدم اغذيه
وادرى عن العذال ياصاح تلقاه = ويضيع كل اللي من سنين نبنيه
حتى عن الأصحاب ياخوك نكماه = نخاف من زل الصحيب وتجنيه
واليوم حال الياس من دون لقياه = أقفى وأنا بالحيل شفق ٍلطاريه
عجزت اعرف اسباب ياخوك جفواه = فجأة جفتني واصبح الحظ مخطيه
وادهى وامر من ذاك علم ٍسمعناه = قالوا زواجه عن قريب ٍبتوحيه
علم لك الله عذب القلب واشقاه = خلاني امشي دون خط ٍ وتوجيه
وانا اذكر اني ماتعمدت فرقاه = لاوالذي كل المخاليق تدعيه
مذكر سوى زله بسيطة ومهفاه = مالي بها ذنب ٍ ولاكنت ناويه
واصبحت عنده خاين الحب وياه = وانا الذي ارخصت عمري وشاريه
حل الفراق وقلت ياقلبي انساه = جنب طريقه لاتوده وتغليه
رد وتلعثم كيف تبغيني اجفاه = وانا اسيره والمعاليق بيديه
يامر وينهى ويش ماقال طعناه = انته وانا طوع لمرموش عينيه
قلت الغضي ياقلب مع غيركم لاه = مملوك من شخص ٍبالاموال شاريه
مشى طريق ٍ موعر ٍ ماقبل جاه = قصده عناد ولاعرف كيف ينهيه
طاوع عذول ٍ وهقه لين خلاه = في مهمهه تايه وعيا يقديه
خله ترى ماجاه ياقلب كفاه = اللي زرع زرع ٍ يجي يوم يجنيه</i>
[/poem]

وسلامتكم

ابومزون جمعه البناقي

 

 

 

 

 

 

 

 

توقيع : جمعه ابومزون

[flash=http://www.m5zn.com/uploads/2011/3/30/embed/033011200338hayrwbiospu8adqs8.swf]WIDTH=450 HEIGHT=600[/flash]

[نوآدر]

روووعه))وتسسلم يمينك اخووي
لآعدمنـآآآكـ ..
تحيآآآتـــــــــــي لك

[جمعه ابومزون]

هلا وغلا باختي نووووادر
مرورك اسعدني

[موسى ابومشهور]

الله الله الله وش هالحلاوة وش هالطراوة وش هالابداع يابومزون صح صح صح لسسسسسساننننك

[جمعه ابومزون]

صح ابدانك اخوي ابوموسى

الابداااااع مرورك يلغلاا

[محمد الوريكي]

يسـاره ماتساعـد ليمـنـاه عزيل مـن مثلـه زمانـه مشقيـه

صح لسانك اخوي قصيدهفي منتهى الروعه
تسلم يمناك ويسلم راسك

[جمعه ابومزون]

حياااااااااك ربي يالغلا مرورك اسعدني

[عاليه]

الله يعطيك العافيه
راق لي ماخط قلمك
صح لسانك ررروعه
ننتظر جديدك القادم

[فالح بن مسلط ال ضحيان]

يعطيك ربي العافية ...

[جمعه ابومزون]

هلا بكم جميعا احبابي مروركم اسعدني