يا مصوبني بسهمك

[حسين كرعل الوايلي]

[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا مصوبني بسهمك جعل حضك ما يطيح = خاف ربك لا تهملني على درب الهلاك
العطش قاتل و انا قلبي على خبرك جريح = و الليالي وَسِمَت بالمُر في صفحة غلاك
و انت عادك في عِنَادِك من نزاحٍ" لا نِزِيح = تَحسِب الدنيا على كيفك تِنفذ مبتغاك
و انت عارف كل خبت و فيه شمس و فيه ريح = و كل وادي فيه راك و كل راك و به سواك
ما تغرك بعض الاشياء يالعجيب المستريح = و ما يفوتك همس شاعر ما شكا إلا من عناك
عاش في دنيا الغرابة بين الأعجم و الفصيح = صار يفهم كل من حوله ولا يجهل هَواك
كم ليالي قد سراها لأجل عينك يا مليح = و انتهت به خطوته قدام ما ياصل مِداك
صار له قصه غريبه ليل في وادي شحيح = ما نبت به غير شوكٍ" من دعس فوقه فداك
نام لكن راح ليله في رِجِيف و في جِويح = شاف قومٍ" تختلج في يوم شِده و إرتباك
تِحتِشد من كل ديره لين صَفو في البريح = نُورهُم يِشعِي و قايدهم رزين الإحتراك
قال ذا الوادي ذهب خيره وعاثِ به القبيح = اللئيم اللي تمرد لين حل الانتهاك
قُمت من نومي و جيته خايف و قد لي فحيح = قلت انا داخل على الله يا زعيم و في حِماك
قال يا إبني لا تخاف و خل منطوقك صريح = و هاك عِلمي و حفظه با خُص به هذا وِ ذَاك
العمر فاني و شِرك الناسِ واضح مِستَبِيح = و اليُهود إستعمرو حتى السماء ما هي سماك
حلو المريخ و إنحرفو عن إكتاب المسيح = و أُمة الإسلام في جهل وَ تِمَادِي ما خَفاك
المراقص قايمه و الغمر يِتعطر بِشيح = والفتاة تِسير في لبس الكُفر قوم الفتاك
و الاخوان تِفرقَو ما بين أح و بين إيح = و كم تاجر صار فاجر مايحول مستواك
يحسب إن المُلك مُلكَه و الذهب عِندَه يِميح = و صار يقبض في البشر من شان يَدفعهم هِنَاك
الله أكبر يا بن آدم كل جَرح و فيه قيح = و كُل قلب و فيه عِله و العِلاَج أصبح جِرَاك
لا تلومون الجبل لو شابِ وَ الوادي يِصيح = و أجدِبَت الأرض و غَدَت شوك" و لا مِنه فِكَاك
قُلت لَه يا شيخ هَذا الجيشِ صاير له وِ شِيح = مثل سيل العُرضِ لا أقبل دَم جاذيها وجَاك
وين غَازِي يمكن استوعِب و أوثق ما يريح = ما أستِوَو كُل البِشَر من عصر جِدانِك و أباك
قال سيل العُرض كان و كان واديكم يسيح = و انقطع ذاك الهِجيج و حَل تَشتِيت وعِرَاك
و أنتِ تسأَل عن جِيوشِي يا فِطين و يا رجيح = خل عَنِك و إرجع إتبع نَبث سيرك لا وَرَاك
خذت سِر و فيه حِكمه ليل غَمرَاته لقيح = انشر الحاصل و سولف لا تخفي ما دَهَاك
قُمت من عِنده و راسي كنه جرح" به وزيح = من مصايب شفتها شدت ضلوعي بإحتِكاك
و أنبلج وجه الصباح و طِحت من طولي طِريح = كأن نور الصبح يوم العيد في ساعة لِقَاك
هذي القصه جرت لي و أنت هَرجِك له قِريح = كيف تزعل يا وليفي والخطأ كُله خَطاك

ما بقى إلا أودعك و أعِج في الدرب السميح = أنتهت قِصة غرامي و أنت سدك يا مَلاك[/poem]




اخوكمـ حسين كرعل الوايلي

 

 

 

 

 

 

 

 

توقيع : حسين كرعل الوايلي

[poem=font="Simplified Arabic,6,darkred,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""] ياخاطري من ضيقك لا تحسه= كلن يشوف انه زعيم الصداره لو كل مخلوق يعرف قدر نفسه = ما كان زل الفار باب المعاره[/poem] حسين كرعل الوايلي ابو علوشـ

[ناصر الشريف]

الله الله الله

ابو علي قصيده في قمة الروعه والله يستر من المغبا

اما ماقد ظهر فقد شفناه صح لسانك حتى ترضى تقبل مروري واعذر قصوري

لو قلت في هذي المعلقه ما قلت ما وفيتها حقها تحياتي وخالص تقديري

[مبارك الشمري]

الوايلي صح السانك وبنانك على الكلمات الرااائعه

اكثر من الراائعه اعجبتني هع

ننتظر جديدك

[حسين كرعل الوايلي]

اقتباس المشاركة الأصلية كتبت بواسطة ناصر الشريف الله الله الله ابو علي قصيده في قمة الروعه والله يستر من المغبا اما ماقد ظهر فقد شفناه صح لسانك حتى ترضى تقبل مروري واعذر قصوري لو قلت في هذي المعلقه ما قلت ما وفيتها حقها تحياتي وخالص تقديري

ابو حسين ارحب تراحيب المطر والسيل

ان شاء الله يا بعدي مابه مغبا الا كل امراً زين

صح الله بدنك مرور شاعر مثلك له مكانته عندي يعني لي الكثير

الف لاهنت كفيت ووفيت

دمت بخير ولك جزيل الشكر والاحترام

[حسين كرعل الوايلي]

اقتباس المشاركة الأصلية كتبت بواسطة مبارك الشمري الوايلي صح السانك وبنانك على الكلمات الرااائعه اكثر من الراائعه اعجبتني هع ننتظر جديدك

اخي مبارك صح الله بدنك وكلك

الرائع هو مرورك العطر واعجابك الذي يزيدني فخر

دمت بخير ولك جزيل الشكر والاحترام

[فهد الهباش]

و انت عارف كل خبت و فيه شمس و فيه ريـحو كـل وادي فيـه راك و كــل راك و بــه ســواك
مـا تغـرك بعـض الاشيـاء يالعجيـب المستـريـحو ما يفوتك همس شاعر مـا شكـا إلا مـن عنـاك

يالبى قلبك وربي انك مبدع ،، في انتظار الجديد وكمان تستاهل التقييم،،

[محمدالحربي]

حسين ..

صح الله لسااانك مدد

وتسلم يمينك

ولاهنت

[الصقرالجارح]

حسين كرعل الوايلي
الله الله عليك وصح الله السانك مبدع ياحسين كالعاده ومافيك حيله قصيده رائعه كروعتك
ودي وتقديري

[.. [ آلورد ] ..]

سلمت الانامل

[حسين كرعل الوايلي]

اقتباس المشاركة الأصلية كتبت بواسطة فهد الهباش و انت عارف كل خبت و فيه شمس و فيه ريـحو كـل وادي فيـه راك و كــل راك و بــه ســواك مـا تغـرك بعـض الاشيـاء يالعجيـب المستـريـحو ما يفوتك همس شاعر مـا شكـا إلا مـن عنـاك يالبى قلبك وربي انك مبدع ،، في انتظار الجديد وكمان تستاهل التقييم،،

لاهنت اخوي فهد

الابداع لا يكتمل الا بحضور المبدعين مثلك ومثل شرواك

دمت بخير