(يا مرحبا في يام)...قصيدهـ من حفل قبيلة جهينه لشيخ واعيان ال فهاد من قبيلة يام

[الماسـه]

بسم الله الرحمن الرحيم
السلام عليكم ورحمة الله وبركاته
هذهـ القصيدهـ من حفل قبيلة جهينه لشيخ واعيان ال فهاد من قبيلة يام
عجبتني وحبيت أدووونها هنـــا
[bimg]http://up.johina.net/up/4/r3.jpg[/bimg]

الشيخ عبدالله بن الشيخ عبدالرحمن ال فهاد اليامي




يا مرحبا في يام

[poem=font="Simplified Arabic,5,black,normal,normal" bkcolor="transparent" bkimage="backgrounds/40.gif" border="none,4,gray" type=1 line=0 align=center use=ex num="0,black"]
يا مرحبا والفين مليون ترحــيــــب = وعداد ما ناحت لنا الورق بالـــــحان
يا مرحبا في يام عند المعازيـــــــب = يام العريقه راس في ساس همـــدان
اهل الوفاء والجود واهل المواجيب = اللي لهم في ساحة المجد عنــــــــوان
ياما سقوا من صافيات المشاريـــب = ما مات راجيهم على الدرب عطشان
ياما احتموا قالات عند المناديـــــب = قوم (ن) تروس العلم والصدق نيشان
ياما اشبعوا جوع البطون المغاليـب = ذيب الخلا من فعلهم بات شبعـــــــان
بمصقلاتن ترث الموت والشيــــب = الله واكبر يوم زوغات الاذهـــــــــان
صغيرهم وقت اللقاء والمطاليـــب = من الطغى مطنوخ تخشاه فرســـــان
ماني معدد فعل الاجواد مانيـــــب = ماهو ردى لا والذي عز الانســــان
تاريخكم يا يام لاشك لاريــــــــب = واضح ولا يحتاج للناس برهـــــــان
ابختصرها كيف نستغرب الطيب = كيف الورق يشتال من ثقل الاوزان
لكن لكم بالقلب وسط المحاديــــب = مكانتن ما ثمنوها بالاثمـــــــــــــان
غالي ثمنها والمواقف تجاريب = واكــــبر دليل اني بها حيل فرحان
اشوف لي ذيبا دعا بالوفاء ذيـــــب = ولاهو غريب الذيب لبى لذيـــــبان
يامرحبا بالشيخ عند المعازيــــب = قلته وانا ربعي على العز جهـــنــــان
اللي لهم في عاليات المراقيــــب = وكرا عليه الناس دائم بالاعـــيـــان
تحماه ربعي بالسيوف المعاطيب = كم راس راحت من على حد الامتان
وقت الوغاء يا زين حرش العراقيب = والا العبيه لا انتخى القرم ما هان
ربعي قضاعه لا انتخينا تعاجيب = واللي جهل لابــــــد يسمع بالاذان
يا قاري التاريخ دونك مكاتيب = سيرة رسول الله فيها لنا شان
لأشرف رسول اليوم صرنا مناديب = فوارس نسبر له اعداه شجعان
ضلعان بدر اليوم لو تنشد تجيب = منهو رقاها يسبر اليوم عدوان
خضنا وقائع مثل نار المشاهيب = قول وفعل ما هي هرابيد بلسان
في فتح مكه بس الف عواقيب = للكافر اللي جاحدا حق الايمان
شوكة رسول الله عند المصاعيب = كم سجل التاريخ من عز ما فان
في سنته مذكور حنا الاصاحيب = وايضا عماد جيوش الاسلام لا بان
حتى بعد موته يدينا مقاضيب = ضد الذي زين له الكفر شيطان
حنا حماة الدين عن كل تخريب = حنا نشرنا الدين في دار الاسبان
حنا حمينا عترته باللواهـــــيب = من دونهم ثرنا كما نار بركان
شلفا ورمح وسيف طق المخاشيب = يركز على كبد المعادين بإتقان
واليوم نرجي ربنا عالم الغيب = اللي رفعها سبع من دون عمدان
ما اقول حنا بس حزنا المكاسيب = لا شك من يوحي بعد طيبهم زان
والمدح جايز كان ما فيه تكذيب = يا سعد من يمدح مراويح الامزان
حقا لنا لا شك ما عنه تجنيب = من عد هرج الصدق ما قيل خسران
هذا لان الشعر ما هو تراكيب = الا كما ورش الحيا زين الافنان
اما رفع راعيه فوق الشخانيب = والا غدى ما بين علاّن وفلان
الوقت قاسي والليالي مخاليب = واللي زرق رمحه تنصاه عربان
حتيش لا وان الليالي دواليب = يرسي كما يرسي على الشط قبطان
مضفي عليه الجود زين الهناديب = للغانمين يحن والله شفقان
واكبر دليل الذيب داعي لنا ذيب = ولا هو غريب الذيب لبى لذيبان
يا مرحبا بالشيخ عند المعازيب = قلته وانا ربعي على العز جهنان[/poem]




(وسلامتكـــــــم‘‘ )

 

 

 

 

 

 

 

 

توقيع : الماسـه

الاسْتِغْفَار ~ يُحَوّلْ الامْنيَة إلَى وَاقِعْ وَ يُفَرّجُ الضّيقَ بمَا يُشْبِهُ المُعْجِزَة ~ أسْتَغْفِرُ الله العَظيمَ وَ أتُوبُ إلَيْه ♥!!~ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]