داخ راسي يالهواوي

[عزيز نفس]

سمّ بالرحمن.. وصلي ع(النبي)
ياالقليب اللي لعب فيك الغرام

داخ راسي يالهواوي وش تبي؟؟
البشر نامت وعادك ماتنام!!

لو بداية حب.. اسمع مطلبي
لاتعذبني... ولاتقْرب حرام

بعدها رح والقصايد مركبي
لاتخاف بحور وأمواج الملام

خذ علي لامن سهرت بمكتبي
لك أطيّرلك من أسرابي حمام

ويالعنود اللي سبت قلبي سبي
خافي الله طالبك كفّي السهام

لك عيون ٍ ضيّعت لي مذهبي
دوّريني يوم ترخين اللثام

أسألك بالله يابنت اقربي
هذا قلبي وعامليه بإحترام

بس..لامنّك نويتي تلعبي
اعتقيه لوجه ربي.. ياحرااام

والله إن القلب ضايع والغبي
به جروح ٍ تكْفي لعشرين عام

هذا تفكيره مثل عقل الصبي
وإلا أنا ويني ووينك يالهيام

وياقليبي وإن عرضْ لك أجنبي
احتمل كل مايجي لك من كلام

لي متى دايم يشيلك منكبي
وأرْفَعَك كل ماتضايق من زحام

ولو عروقي تشتكي كثر اتعبي
والأصابع وجّهت لي الإتهام

لاتغط راسك وراي وتختبي
لاتجازيني مثل فعل النعام!

واجه أفعالك ولو مرّه أبي
ماتخليني لطعنات اللئام

وإلا تدري !!! . . . . . .

وإلا تدري!! لو غدرت وخنت بي؟
لايهمك / كل شي فيني تمام

الغدر كنه سواة اليعربي
به حميه مع علاقاتي دوام ؟؟

يعني لو ضاقت على زود اتعبي
وتنتظر ردة فعل مني وكلام

هيّا (صيحه) في ضلوعي تختبي
ولا أقول إلا.. على الدنيا السلام!!

 

 

 

 

 

 

 

 

[ايه يا قلبي تكلم بارتياح]

ابيات رااائعه

واحساسها عفوي

×عزيز النفس ×

احسنت على هذا الذوق الجميل

وسلمت اناملك على الاختيار

وصح السان شاعرها وصح احساسك

[محمد الوريكي]

اللهم صلي على نبيه
تسلم اخوي ولاهنت

[الماسـه]

ماشاء الله عزيز..
ذوووق راقي صراحة
الله يحفظك يارب

[غراااام نجد]

لاهنت ع الطرح الراااقي اخوي ربي يعطييك العافيه ..

لك ودي ..

[عزيز نفس]

ايه ياقلبي تكلم بارتياح

محمد الوريكي

الماس

غراااام نجد


لاعدمت مروركم الاكثر من رائع

منورين المتصفح

[الفلوه]

عزيز نفس
لاهنت على اختياراتك الرائعه والذائقه والجميله
تقديرى لك ويعطيك ربى الف عافيه
ورد ياسمين لقلبك
تسلم يمناك كلك ذوق