(( الله يسآآآآمح ))

[محمد بن عبدالهادي المري]

اسعد الله صباحكم انشاء الله انكم بخير

وانشاء الله ترووق وترتقي لذوووقكم

الله يا وقتٍ مضى ليته يعود وما يروح

ـــــــــــــــــــــــــــــــــــــــــــــ وقتٍ غدا بيني وبينه به مواعيد وصله

دايم معا ونقضّي الاوقات في ضحك ومزوح

ـــــــــــــــــــــــــــــــــــــــــــ انشهد ان الوقت يوم اشاهده فيه قبله

واليوم شوفه عندي اسما غايه واكبر طمووح

ــــــــــــــــــــــــــــــــــــــــــ الله وأكبر يالليالي والشهور الاوله

ما كنت احسب ان الجسد يقدر يعيش بدون روح

ــــــــــــــــــــــــــــــــــــــــــ والحين جسمي حي لو قلبي تأكد مقتله

وا حبنا اللي قد بنينا منه أمال وصرووح

ـــــــــــــــــــــــــــــــــــــــــــ لكن جاه من الظروف القاسيات وزلزله

وشلون أعيش العمر من عقب المفارق والنزوح

ـــــــــــــــــــــــــــــــــــــــــــ يوم أجنبوا بظعونهم وظعون اهلنا مشمله

ودعتهم وعيوني الثنتين وعيونه تفوح

ـــــــــــــــــــــــــــــــــــــــــــ الله يسامح من تسبب من هلي والا هله

يالله عسى برق الخيال اللي من الوسمي يلوح

ـــــــــــــــــــــــــــــــــــــــــ ينثر هماليله ويزهر بالخزامى مدهله

البارحه ورق الحمام ينوح وفؤادي ينوح

ـــــــــــــــــــــــــــــــــــــــــ ومحاجر عيوني من دموع الغرام مبلله

أثر المحبه ما بعدها الا المفارق والجروح

ــــــــــــــــــــــــــــــــــــــــــ وتغربل القلب الحكيم اللي تجيه وتدخله

لو كان ما يبغى يبوح من الالم لازم يبوح

ــــــــــــــــــــــــــــــــــــــــــ يصبر ولكن صبره المعهود مابه كمله

ليت الحبيب اللي هويته عن عيوني ما يروح

ـــــــــــــــــــــــــــــــــــــــــــ واذا بغيت أحصله ارمش كذا وأحصله