جيت كــلي .... )) جـديـدي ((

[حمود بن سلطان المطيري]

جيت كلي يا الغلا كلي فديتك
ما عليه من مقابيل الزماني

جيت اوضح في غيابك ما نسيتك
وانت كيفك بينك وبين المحاني

جيتك وشلت الاماني ثم عطيتك
لآّ تخيت جيتي لك والاماني

ارجع لصدري وصدري هو بيتك
لآّ يصدع منزلك وسط المحاني

اشهدني من تعب نفسي سقيتك
واشهدنك شاقين نفسك عشاني

بس صدك اثبت اني من رأيتك
صار طعم الكون عندي شي ثاني

انت وحدك كل يومن لآّ طريتك
احسب الساعات واثرها ثواني

يوم جيتك ضاع همي يوم جيتك
خلك بجنبي تراني صرت اعاني

 

 

 

 

 

 

 

 

[مبارك الشمري]

كلمات رااائعه تشكر عليهاا يا يا يا حمود

ننتظر جديدك تحياي وشكري

[روح المشاعر]

ذوووووق صراحه ... صح لسانك

تقبل مروري

[admin]

الله الله


لا فض فوك يابو سلطان


نص جميل استمتعت بقراءته


لا حرمنا تواجدك

ولا خلا ولا عدم

أخوك
ابو مشاري

[موسى ابومشهور]

ابدعت وابعت راقت لي القصيدة ولاهنت ياشاعرنا
تقبل مرور اخوك ابومشهور

[أمير الشريف]

حياك الله يالمطيري .. نصك جزل بيض الله وجهك .. جميل ماتخطه يمناك .. ولكن عندي ملاحظه بسيطه يالغالي وهي (لآّ تخيت جيتي لك والاماني ) هل بنظرك ان هذا الشطر موزون ام يوجد به خلل ؟؟

والملاحظه الثانيه انت شاعر جزل والدليل النص المفعم بالشعر ولكن القافيه لا تكررها ..

تحياتي المبجله لشخصك الكريم

[حمود بن سلطان المطيري]

مشـكورين اخـواني

الشمري
روح
ابو مشاري
ابن مشهور
امير الشريف

واخوي امير في حرف سقط سهوا (( لاتخيت )) = ((لاتخيب ))
اما اذا كنت تقصد شي بالوزن والقافية اتمنى انك تفيدني طال عمرك

[حمود بن سلطان المطيري]

ويا ليت من المشرف يعدل الكلمة من عنده

والسموحه تراني شابك من (( تلفون ))وبعض الكلام ما يطلع عندي

[رائد العصيمي]

صح لسانك

جميل النص لكن يبغى لك تشتغل على النص اكثر

لاتكرر القافية لآنها من اسباب ضعف الشاعر وانت منت بضعيف

ارى في هاجسك الشعر الحقيقي

استمر

[سُـــكرهـ]

صحّ إلسسـآإنكّ ~
و بيّض الله وجهك . .
لآإ هنت يـآإ ابو سلطـآإنّ .’



وديّ|