انا جيت من طوعي ولا في يدي قيود

[حسين الحارثي]

أنا جيت من طوعي ولافي يدي قيـــــود
.......... أنا جيت في مركب ضميري وتأنيبــــــــي

أنا بعد عشريني كشف خافقي الموجود
..........وعقلي ورا الموجود يطمح ويسري بــــي

ألا يا ألاه الكون يا الخالق المعبـــــــــــود
..........أنا جيت لك والجهل والذنب يزري بـــــــي

أسافر مع أفكاري ورا العالم المفقـــــود
..........وكثر الندم والحزن والخوف يجري بـــــــي

على نور رضوانك ذهاباُ ولا به عـــــــــود
...............ولا همني بين المخاليق ترتيبـــــــــــي

إذا ناظرت عيني مكاني ببيت الــــــــدود
..........وإذا اطلقت تفكيري وراء العالم الغيبـــي

أشوف الحياة أزهد من الغايب المزهـــود
.......... ولا كنني أدري ولا الناس تدري بــــــــي

أنافس على الجنه مع قلة المجهـــــــود
..........ولكن على عفوك رجائي وتجنيبــــــــي

عيوني تناظر للسما ما يجيها رقـــــــــود
..........عسى الله يعافيني ولا ذوق تعذيبــــي

درست الحياه وجل ما في الحياه سدود
.......... سوى ما سعى في كف نفسي تأديبي

وبا ارحل من الدنيا ورا العالم المشهـــود
..........وغاية طموحي رد نفسي وتهذيبـــــــي