البرقع النجدي

[موسى ابومشهور]

بــــــالله ياللي تحـــط البرقع النـــــجدي
مــــــا ترحم النـــــاس يـــوم تلد بعيونك
لاوالله الا بلاني و طحت مــــــــن وجدي
سهم من الرمش ورحت بحــال مطعونك
ويلاه مـــن حالتي ولا عاد فــــي يـــــدي
الا اني اقــــول ياقلبي ا لله في عونك
مــــاجيت مـــتحدي ولانيب مــــــــتحدي
حبيت اشـــــوفك عساك تشوف مفتونك
ان كان ودك يطابق فـــــي الهوى ودي
تـــــــعال ضم الــــهوى بشويش وبهونك
مجنونك ان صاح فا اعرف كيف متردي
وشـلــــــــون بــــــالله تجهل حال مجنونك
مــــــن حـــــق عينك بقولك ماحدن قدي
بالعين والثغر وحمارالـــــورد في وجونك

(شعرموسى ابومشهورالصايغ)

 

 

 

 

 

 

 

 

[رائد العصيمي]

صح لسانك يابو مشهور

الله لايهينك

[موسى ابومشهور]

قايلن مايهون وشكرا خوي على مرورك

[وهم الخيال]

ذكرتنى بالبيت هذا على طارى البرقع

جعل صناع البراقع والعبي.....مايبل الريق من ماء زمزمي
صح الله لساانك ابوو مشهور

[ذوووق ومنآآآوي]

صح لسانكـ
ولاهنت يالشيخ

[تـَـــَرفَ]

صصح لسسآنك
موسسى
لاهنت
وننتظر جديدك

[محمد بن عبدالهادي المري]

الله عليك يا ابو موسى ابدااع من منبع ابدااع


صح الله لسانك يالذيب على النص الرااائع والجزل

[شبل العيادين]

البرقع النجدي يسوي سوايا

صح لسانك شاعرنا

[أمير الشريف]

صح الله لسانك .. الى الامام ياذيبان .. لا تحرمنا جديدك

[مبارك الشمري]

صح السانك يا يا يا موسى

ننتظر جديدك يالقرم

تحياي وشكري لك