قصيدة حمود بن خلفان العجمي ((رحمه الله ))

[السلك الشايك العجمي]

البارحه ماغطت العين بنعاس
والقلب يلعبه من الفكر هاجوس
والقلب كنه خاطفه كف قرناس
كن المخالب في سراي واغطوس
عليك يازاهي جديدات اللباس
عليك قلبي بين الاضلاع مفروس
عليك قلبي كنه يشقر بالامواس
كنها تثرم ثومة القلب بالموس
عليك قلبي يضرب اخماس واسداس
وون ونة تالي الليل مضروس
يومي ابروحه لاتضايق بالانفاس
والعي كما يلعي من السم مقروس
انت هواي وخيرتي يا اشقر الراس
وانت الطبيب العلة(ن) حستها حوس
حرمتني حرم المهلهل لجساس
خذيت قلبي سرق غصب(ن) على الجوس
لا والله الى وقفت منك الارماس
ماعاد جاني منك طرشان واعسوس


الشاعر :حمود بن خلفان العجمي ((رحمه الله ))

 

 

 

 

 

 

 

 

[سمـ المراجل ـو]

السلك لاهنت على القصيــده والله يرررحمه

[آلــــجآدل]

الله يرحم الشــآعر

ولاهنت عالطرح

وبيض الله وجهك ’,

[السلك الشايك العجمي]

ولاانتم الله يرحم والديكم

[السلك الشايك العجمي]

هذه قصيده سمعتها ولا ادري لمن هي له
يقولــــ
ماهنى لـطرفي من الهاجس كرا
سبت هموم(ن)بقلبي ماخلت
لا قدمت ساقي تعود بي ورا
ولا قبضت الحبل مني ينفلت
انمسح فالذهن ماصار وجرا
غير صورتها بفكري ما نجلت
جعل يفداها البدو واهل القرى
وجعل يفداها ملا ارض(ن) ملت
لو قمر خمسة عشر فيها درا
ما ظهر للكون لا منها اقبلت
ناعسات العين والرموش اخشرا
والجسم غصن(ن) الى من ميلت


وسلامتكم ......

[مبارك الشمري]

السلك اختيار ذوق تمت لنا انشاءالله بختيارك الرفيع

تحياتي لك وانتظر جديدك

مررت

[فهد المري]

صح لسانه والله يرحمه

لاهنت

[سفيرة القلوب]

الله يرحمه
ويسلموووو ع الطرح الرااقي
احترامي لرووحك العاليه

[السلك الشايك العجمي]

الله لا يهينكم ويرحم والديكم
لاهنتم على الردود

[السلك الشايك العجمي]

البارح ايقض خافقي صوت صياح
يومه يجر الصوت صدره يفوحي
صيحت سجين(ن) تهمته تاجر اسلاح
ويلا يتيم(ن) طول عمره ينوحي
انا حزنت الليل والحزن ذباح
بطل عميق الجرح خافي جروحي
احزن عشير القلب قلبي ولا ارتاح
ياجعل دربه كل ليل (ن) سموحي
والدله الي فوحت ريحها فاح
ماضنتي ماها قراح(ن) يفوحي
ماكل من يدخل تجارات رباح
وماكل من ينصح يسمى نصوحي
والضيقه الي ظاهره من صدر ناح
عيت على قلبه تزول وتروحي


الشاعر : عامر بن غصاب العجمي