هذي سوات الحب دمعك تكبه

[عبدالله اللحيسه]

السلام عليكم ورحمة الله وبركاته .. شلونكم ان شاء الله بخير .. اسعد الله اوقاتكم في كل خير
اول قصيدة لي في المنتدى الرائع واتمنى ان تعجبكم لبى كلكم
اقول فيها :.

ليلي على هم(ن) غزاني من سنين .. من جادل(ن) مدعوج نفسي تحبه

ياعين كفي صافي الدمع ياعين .. على وليف(ن) راح من غير سبه

اقفى وانا من بعده الزين بي شين .. وهذي سوات الحب دمعك تكبه

لفى على غيري عسى ربي يعين .. قلب(ن) عليل(ن) ضامره في مشبه

ياكثر ماشافت عيوني مزايين .. ولا فيهم اللي هز قلبي وهبه

لاشفتها ضيعت كل العناوين .. والقلب في حبه تصيبه مطبه

وسلامتكم ............. (( انطر ردودكم والنقد ))

 

 

 

 

 

 

 

 

توقيع : عبدالله اللحيسه

صدقني ماضقت من فرقاك بالمره بس ماذبحني سوآ حاجه بجوالي ,, تدري وش اللي ذبح قلبي من الحره إني مخزنك في جوالي (( الـ غ ـالـي )) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]