يا اللي شريت البعد

[عزيز نفس]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته

 

 

 

 

 

 

 

 

[نايف الشمري]

.., عزيز نفس

رووووعه يامبدع

انتقاء مميز يالغالي

تحيه لك

[α н м ε đ]

اقتباس مهوب محزني .. على حاجةٍ فيك إلا أن قلبي شايف ٍ بك غناته !! كن الطيوف تقول وشحال غاليك وآقول راح .. وما بقى الا غلاته لو ان ما جاني من الهم ياتيك كان المصلي ما حفظ وش صلاته

ياشيب عيني شيباه

صح لسان شاعرها

وتسلم يمناك على القصيده الرائعه

ولاهنت يالذيب

دمت في حفظ الله

[الماسـه]

عزيز القصيدهـ مرهـ حلوووووهـ
الله يحفظك يارب

[ذكريات]

كثر الجفا .. نار .. وحطبها تغليييك
خف الحطب .. لا تزيد نار الشماته


صح السان الشاعر . . وبيض الله وجهك يالغالي على هالاختيار الموفق
لاهنت
وفي أنتظار جديدك دائماً

[عزيز نفس]

نايف الشمري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الماس

ذكريات

مروركم زااد من جمال متصفحي

[مبارك الشمري]

ياسلام احسدك على ختيارك اشكرك بعنف

تحياتي لسمووك

مريت من هنا

[حلم~]

‘~‘~‘~‘~‘~‘~‘~‘
شُكراً كَثيراً عالقصيدة الرائعَة
صح لسانك
‘
آهات