,, جـرح الهـوى ,, للشاعر عبدالله السراهيد

[الله يجازيك]

السلام عليكم ورحمة الله وبركاته

قصيدة رائعة حبيت تشاركوني روعتها

جـرح الهـوى مانـقـدر نوفـّر عـلاجـه
ولاكـل شـيَ فـالحـشـى نـقـدر نـقـولـه

ليـت الطـموح يمرّ من عنق الزجاجة
دام الـزمـن عيّـا يـحـقــقـهٌ بـسـهـولـة

أللي وصـوله سـهـل مـنتـوجه سماجة
طعم الفرح بوصول من صعبً وصوله

ولاّ أنـت ياحـلمـي ويـا كـل أحـتـيـاجـه
شعري بـفـقدك واجـد أللـي صـفـقـوله

يا تـجـربــة حــبّـي ومـبـنـاه ونـتـاجـه
يـاروض تـعـذيـبي ومـنـشاه وهـطوله

متى على الله بعـد هـالـعـمـر نـتـواجـه
هذا سؤالً مـن شـذى الـورد وذبـولـه

حـمـلـتـنـي هـمً عـلى الـله انـفــراجـه
وهدّيت حيل القلب من شـيل الحمولة

أسهر وليلي ماضـي أيـامـك سـراجه
وأرقد وحلمي يـنتـظـرك تـمـرّ حـوله

قلبي يبي عن سطوة جروحك خراجه
وعيني تبي شوفتك لو ساعة عجولة

شخـصً يـنـاجـي طـلتك لاهنـت ناجه
هجرك لعب في فلم تعـــذيبـه بطـولة

كانك نويتِ البعــد عكّرتـــي مـزاجه
وكانك نويتِ الوصـل لاقــيتي قبوله

وكان الزمن ماختار موعد للمواجه
روحي فمان الله ودمتي ياخـــجولة

ماعاد باقي في ضميري غير حاجة
ودي يجيك أحساسها على أصـــوله

كنت أحلم أن قالو على منهو زواجه
يصير أسم أبوك ثم أســم الحـــمـولة


الشاعر:عبدالله السراهيد