لو كل غلطة على الصاحب نسجلهـا

[عـــنـــآد آلـــمـــري]

الشاعر المبدع / شريف الفريدي

اخترت لكم هذه القصيدة

لو كل غلطة على الصاحب نسجلهـا *** فقدت ثلثين من مجموعـة اصحابـي

لكن نطـوف هذيـك وذيـك نجلهـا *** ولاقول وش قال زيد اليـوم بغيابـي

اشيـل زلـة رفيـقـي واتحملـهـا *** ولا ركض وراء كل فارغة بمشعابـي

اشوف وأصـد واسمـع واتجاهلهـا *** واجحد مدى غيظ قلبي واملك اعصابي

وأرجى عسى صاحب السيـة يبدلهـا *** لا شافني عن طريقـة قافـلاً بابـي

والا تـرى كـل كلمـة لـو تـحللها *** تطلع بوجهين من سلبي إلى ايجابـي

واللي يبي المشكلـة دائـم يحصلهـا *** يا صعب درب الوفاء يا هون الأنشابي

وسيرة هل الطيب مهونها ومسهلهـا *** لو انها بالعلـوم ومسـح الأشنابـي

لكـن تجـي ساعـةٍ وتبيّـن اعللها *** لا صار وقت اللـزوم وحـزم كلابـي

والهرجة أعـرف عواقبهـا وكايلهـا *** قدام تخطي هدفهـا وأنـت بالنابـي

والنفس ما يعزها يـا كـود شايلهـا *** ولا يطيب للناس من لنفس ماطابـي

وتلقى من الناس مثل اللـي تعاملهـا *** وإليا اختلف شي تلقى منك الأسبابـي

وقناعة النفـس رأس العـز يكملهـا *** اليا حصل قوتهـا والستـر بثيابـي

وأرزاق غيـرك لغيـرك لا تخايلهـا *** لك ماكتبلك ولـي مـا خـط بكتابـي

كم واحداً ما يبيـن لـو هـو آكلهـا *** بسدود بعض الرجال اضيع الارقابـي

واعرف ترى الناس ماتجحد جمايلهـا *** وجحاد فعـل الجميـل يقالـه هابـي

واللي مشاعـر دروب الحـق قاتلهـا *** منين ما كـان بيّـا موقـع ارهابـي

وشكواك للـي ظروفـك مـا يعدلهـا *** صيحة خلاء ما لهـا فـزاع ومنابـي

وقيمتك مـع نـازل القيمـة تنزلهـا *** والحر يثر عليه اللـي معـه رابـي

واختر ثيابـك علـى قـدك وفصلهـا *** ترى ابليس اخرجه من طوبا الاعجابي

والكلمة اللـي منهـا تستحـي قلهـا *** ترى اليا أخطا سنان الرمح ما صابي

آخر هديـه لـو الواجـب معجلهـا *** ولو فا يدتها لغيري ولّى أنـا مابـي

معقـلاتٍ ركابـي فـي مساهلـهـا *** وعندي خبر ما يفك الوسق مطلابـي

ترى الاصايل معـادن مـن سلايلهـا *** نصيحةٍ مـن شريـف لكـل عزابـي

طول القصيـدة بـلا معنـى يـمللها *** اثبت ما قلـت مـن بعـد التجرابـي

امشي مع النـاس واخذمـن دلايلهـا *** وبضاعتي ما تجي مـع كـل جلابـي

والهاملـه طردهـا للـي مهملـهـا *** وليّه عن اللي بدون عقـال مجنابـي

ويا رب لطفك بروحي يـوم تسألهـا *** عن ما جرى في حياتي وانته أدرابـي

ويالله تعـدل عـن الـزلات مايلهـا *** يا واحداً من لجأ بحماك مـا خابـي

ويا رب ستـرك ونفسـي لا تفشلهـا *** ليا جاء النهار الصعيب وقدم احسابي

والنفس فـي طاعـة الرحمـن ذللها *** يعزهـا ذلهـا فـي يـوم الاحزابـي

تخـف عنهـا الذنـوب ولا تحملهـا *** برحمتك يقرب من أقرب كل الأقرابـي

وصلاة ربي عـدد مـا هـل وابلهـا *** علـى نبيـاً تجنّـب كـل مرتـابـي

 

 

 

 

 

 

 

 

[الماسـه]

ويا رب لطفك بروحي يـوم تسألهـا *** عن ما جرى في حياتي وانته أدرابـي

ويالله تعـدل عـن الـزلات مايلهـا *** يا واحداً من لجأ بحماك مـا خابـي


صــح لــســان شــاعــرهــا
وتسلم يمينك والله ياعناد
القصيدهـ مــرررررهـ
تجنن كل بيت أحلا من الثاني

[سمـ المراجل ـو]

الله الله ابـــداع يا عنـــاد اختياااار رااائع يا الشيخ ولاعدمتك

تقبل مرروري وتقيمي

[عـــنـــآد آلـــمـــري]

اقتباس المشاركة الأصلية كتبت بواسطة الماس ويا رب لطفك بروحي يـوم تسألهـا *** عن ما جرى في حياتي وانته أدرابـي ويالله تعـدل عـن الـزلات مايلهـا *** يا واحداً من لجأ بحماك مـا خابـي صــح لــســان شــاعــرهــا وتسلم يمينك والله ياعناد القصيدهـ مــرررررهـ تجنن كل بيت أحلا من الثاني

من قاال يسلم
مشكوووره
ولاهنتي على المرووور

[عـــنـــآد آلـــمـــري]

اقتباس المشاركة الأصلية كتبت بواسطة سمـ المراجل ـو الله الله ابـــداع يا عنـــاد اختياااار رااائع يا الشيخ ولاعدمتك تقبل مرروري وتقيمي

ولا عدمناك
وتقيمك وسام على صدري

ولاهنت على المرووور

[فهد الهباش]

تسلم ...
ذوق يالغااااااااالي

[مبارك الشمري]

ياسلام عليك يا عناد والله ذووق

يسلملي الاختيار لبا كلك

تحياتي لك تقبل مروري

[عـــنـــآد آلـــمـــري]

اقتباس المشاركة الأصلية كتبت بواسطة فهدالهباش القحطاني تسلم ... ذوق يالغااااااااالي

من قاال يسلم

لاهنت على المروووور

[عـــنـــآد آلـــمـــري]

اقتباس المشاركة الأصلية كتبت بواسطة مبارك الشمري ياسلام عليك يا عناد والله ذووق يسلملي الاختيار لبا كلك تحياتي لك تقبل مروري

هلاوغلا
من قاال يسلم يا غالي

لاهنت على المروور المميز

[قـاصد كـريم]

جميله هذه القصيدة ومليانه حكم

تسلم ويسلم شاعرها