مساجلة صوتية ( مآ فيه أصعب من الفرآق)

[فهد الهباش]

مساجلة شعرية،،
بــيــنــي ،، وبــيــن
أخي وأستآذي :
الشآعر / سعيد الهبآش،،
(من القلب إلى القلب)
" صحيح مآ فيـــه،،
أصعب من الفرآق"

هنآ بصوتي:

[media]http://www.qahtaan.com/works/up/get.php?hash=278acmpuvx1305664591[/media]

وهنآ كتابه:

قلت :

يالله يالـمـطـلـوب يـاخـيــر مــــن دعـــــي
يـالّـلـي عـلــى خـلـقــه جــــزال وهـايـبــه
اسـالــك الـجـنّـة وغـفــران مـــا مــضــى
مــن ذنــوب عـبـد(ن) كـاثـرات مصـايـبـه
إلـى قلـت زانـت وانجلـى الهـم وانقـضـى
تـداعــت هـمــوم داخـــل الـقـلـب سـايـبـه
ألا يــازمــان الــغــدر والــــذل والـقــهــر
عـدو الفـتـى يصـبـح مــن أقــرب قرايـبـه
وصديـق(ن) تــود رضــاه وتـريـد رفعـتـه
وعـن النـاس تخفـي مـا بـدا مـن معايـبـه
والا مــــن نـخـيـتـه صــــد عــنّـــك وروّح
ولا ينفـعـك ليـجـاك مـــن الـوقــت نـايـبـه
عـسـى عـمـره الـيـا طــال تقـصـر حبـالـه
وعـلـى قـبــره يـــرزّون ربـعــه نصـايـبـه
ولا اقــول كـــلّ الـنــاس فالـطـبـع واحـــد
فــلا شـــاب عـكـفـان الاشـانـيـب شـايـبـه
لـكــن الـهـمـوم الـلــي بـقـلـبـي عـمـيـقـه
ولانـي بــداري ويــش هــي مــن سبايـبـه
تخلّيـنـي اجـلـس واكـتـب الشـعـر وانـثــر
علـى بيـض صفـحـات الــورق والكتايـبـه
قـلايـل مــن بـيـوت(ن) بـصــدري اكـنّـهـا
تـوجّــه لـمــن فـعــل الـمـراجـل كسـايـبـه
حكيمن حليمن من هــل العــرف والكـرم
عديـم الوصـوف ومـن عـريـب النسايـبـه
وهـو عزوتـي ليجـاء مـن الـوقـت غــارة
وذرّت عـلـيـنـا مــثــل ســـــفّ الـهـبـايـبـه
هـــذا خـــوي يـالـعـذّال وشــلــك بـعـذلــي
ابـا امدحـه وش بمدحـه مــا فـيـه خايـبـه
ابــا امـدحـه لـنّـه يستـحـق الـمـديـح لـــه
وانــا ابــرى لـربّـي عــن مـديــح بعـايـبـه
اخــوي وخـويّـي وابــن عـمّــي ومـايـلـي
هــو الـنـاس فــي عيـنـي بـعـاد وقـرايـبـه
عـلاج القلـوب اللـي مـن الـوقـت قاسـيـه
ولا فــــاد فـيـهــا الــطــب ولا الـطـبـايـبـه
تـذكّـرت انــا ياسعـيـد وقــت(ن) مضـالـنـا
ياليتـك تشـوف الدمـع والشـمـس غايـبـه
اثــر دمـعـة الفـرقـى فـريـدة مــن الـبـكـى
لـــك الله تونـسـهـا عـلــى الـخــد رايــبــه
وانــا ماشكـيـت البـعـد فــي حــب متـرفـة
لـهــا سـجــن والـعـشّـاق مـنـهـا نهـايـبـه
لكـنّـي شكيـتـه فـيــك يالـصّـاحـب الـوفــي
وشـكـواي فــي مـثـلـك مـحـقّـه وصـايـبـه

الرد :
قال /

طلبـنـاك يــارب الـمـلا عـالـم الـخـفـى
ولا غـيـرك بنطـلـب لـمـا حـــل نـايـبـه
عظيم الرجـا جـل وعـلا خالـق البشـر
يغـفـر لخـطـا عـبـده ويـسـتـر معـايـبـه
الــى الله نـلـجـى ونـتـضـرع ونلـتـجـي
الهـي مـن ظـروف الليالـي رجـاي بـه
لـه الفضـل سبحانـه لـه الحمـد والثنـا
له الشكر ماهـل المطـر مـن سحايبـه
بعـدهـا هواجـيـس المـعـنـى تـواتــرت
هـجـوس تخـلـي ثـومـة القـلـب ذايـبـه
بعد وصلني مرسول درعي وساعـدي
رزيـن الخطـا الـلـي ماتثـنـى كسايـبـه
بعيد المـدى كـف النـدى مهجـة النظـر
تـنـومـس مواقـيـفـه وتـامــن ربـايـبـه
انا يافهـد فيـك اعتـزي واقهـر العـدى
انا اخو الفهد فهد (ن)عطيب ضرايبـه
هو المحزم المليان والصاحب الخوي
وهــو خــوي ليـحـل الـزمـان بنوايـبـه
قريت الرسالـه ثـم هاضـت مشاعـري
بقـاف علـى معنـى والاهـداف صايبـه
الا يـافـهـد لاتـشـكـي الــهــم لـلـزمــن
زمــان العجـايـب لاتـهـولـك عجـايـبـه
الا يـافـهــد وقــتــك لـعـبــك ولـعـبـبـي
ولااحـد عـلـى الدنـيـا بيسـلـم حرايـبـه
الا يافـهـد تـعـرف عــدوك وصـاحـبـك
ومــن طـابـت اخـلاقـه بتكـثـر حبايـبـه
وانــا عــارف هـمـك وجـاهـل بسبـتـه
عـسـى الله لايـغـفـر لمـنـهـي سبـايـبـه
عليـك الصبـر والصبـر مايـرث الـنـدم
ولو تهـت فـي بحـر الزمـان وغرايبـه
وانـا لـك حـزام فـي الشدايـد وعــزوه
رهيـن الاشـاره منـك والنفـس طايـبـه
ولابنثنـي سقنـي عـلـى الـمـر والـحـلا
مــادام مـعـي شـيــخٍ عـزيــز جنـايـبـه
نهايـة جوابـي وانـت ماتجـهـل الـقـدى
رهيـن الاشـاره منـك والنفـس طايـبـه

وسلامتكمـ،،،

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

[مبارك الشمري]

ونعم فيكم والله يقويكم وونتظر ابداعك
تقبل مروري

[عبدالله ال بالطحين]

والله يآوجه محلف مآطلع لي رابط او مقطع
مدري هل اضفتهآ ولا بآقي

[فهد الهباش]

مبارك ما عليك زود يالغالي الان تمام طال عمركـ
عبدالله/
الان تماام يالغالي...
قبل شوي قلشت بس الان تمام ..
العذر والسموحة يالربع

[عبدالله ال بالطحين]

ايه اللحين ابشرك اني قريت صوت وصدى بين هرمين كبيرين
لآمجآل للنقآش حول شىعريتهم
فالحظور كآن للإستمتآع وسبر الاغوآر
صح الله السنتكم
وجعلها مآتعطب
وبلغ السلآم الى سعيد
تحيآتي وتقديري

[ألاداره]

صح لسآنك يآفهد أنت وأخوك..عز الله ماقصرتو

ومحآوره جزله..لاهنت وننتظر جديدك

[آلريم آللعـوب]

الا يـافـهـد لاتـشـكـي الــهــم لـلـزمــن
زمــان العجـايـب لاتـهـولـك عجـايـبـه
الا يـافـهــد وقــتــك لـعـبــك ولـعـبـبـي
ولااحـد عـلـى الدنـيـا بيسـلـم حرايـبـه


الله الله
صح الله ألسنتكـم وبيض الله وجيهكم ماقصرتـو ,, مافيكم حيله
والله يخليكم لبعـض ,,

تحيتي

[سـ ع ـد الأسمري]

صصح لسآنكـ يافهد
قصيد و رد آطربوني وامتعوني بمعنى الكلمه

شعراء جزآل لا غبآر عليكم
ما شاء الله تبآرك الله ,, والله يديم بينكم التوآصل والمحبه
وإنعم فيكم ملآيين

وصح لسآن سعيد الهباش
كفيتوا ووفيتوا والله لا يهينكم

>> مقطع الصوت ما اشتغل عندي

[محمد الوريكي]

لاهنت يالغالي
محاوره جزله ومن روس جزله
يعطيك العافيه

[رائد العصيمي]

ي سلام ي سلام

بحر يجذب وقافية تجذب والجرس الموسيقي يجذب والمعنى والمضمون يجذب

وش خليت عذروب بس اني ماادخل هنا

من اروع ماقريت لك يافهد

بيض الله وجهك