۩ اللي يودّك مايرى فيك عذروب ۩

[чα ьяi ζαιi•¬ ‏​‏​]

قد ايش تخدعني المظاهر ولا اتوب
ماكنها مرت علي التجارب


العين ماتكشف لك اللي ورى الثوب
كلن يظن ويخطي الظن ويصيب



كم واحد يعطيني الهرج مقلوب
وانا اعتبرته من خيار الاصاحيب



الفرق بين الناس في عقول وقلوب
واسرارهم يعلم بها عالم الغيب


اللي يودك مايرى فيك عذروب
واللي شناك يحط فيك العذاريب


ان كان شفت انك من العقل موهوب
لاتستمع لمروجين الأكاذيب


كم من حديث قد لقيناه مكذوب
عن النبي اللي منزه عن العيب


العبد في دنياه غالب ومغلوب
والعمر جاري والليالي دواليب


نجمع مع الايام حسنات وذنوب
والستر ضافي والعبر في العواقيب


اصبر على الدنيا ترى الصبر مطلوب
واستخدم الحكمة وحسن الأساليب


واحذر تلج عواك في كل عرقوب
محدن بقايل ويش مسريك ياذيب



لايعتريك الهم والرزق مكتوب
مضمون لك مافيه شك ولا ريب


والنفس لاتارد على كل مشروب
حتى توردها لصافي المشاريب


لاتندفع معها ورى كل محبوب
وتعلقك بحبال الآمال وتخيب


إن كان ماتحسب ترى العمر محسوب
في كل يوم تطلع الشمس وتغيب

 

 

 

 

 

 

 

 

توقيع : чα ьяi ζαιi•¬ ‏​‏​

ٺرىْ طيْرگ . . . لا منْ غفَلٺ عَنہ ↓ خَذوھ المقَانيص ◂

[مــخــاويــ/ة الذيــب}~]

هيضتيني ياااخيه جعل يمناج ماتعطب فديتج ذووووق قصيده رااائعه
صج صج

إن كان ماتحسب ترى العمر محسوب
في كل يوم تطلع الشمس وتغيب

يالله ترزقنا حسن الخااتمه وتفتح علينا ياارب ياكريم

[чα ьяi ζαιi•¬ ‏​‏​]

اقتباس المشاركة الأصلية كتبت بواسطة مــخــاويــ/ة الذيــب}~ هيضتيني ياااخيه جعل يمناج ماتعطب فديتج ذووووق قصيده رااائعه صج صج إن كان ماتحسب ترى العمر محسوب في كل يوم تطلع الشمس وتغيب يالله ترزقنا حسن الخااتمه وتفتح علينا ياارب ياكريم

انتي تشوووفين ياخيه حتى انا بغيت اهل الهاشميه >>تجمعن العجز



ويالله تحييها

[سمـ المراجل ـو]

ابداااع يا بري حالي

ابيات جزله وتستحق التقيم فعلااا

[чα ьяi ζαιi•¬ ‏​‏​]

اقتباس المشاركة الأصلية كتبت بواسطة سمـ المراجل ـو ابداااع يا بري حالي ابيات جزله وتستحق التقيم فعلااا

حياك الله ....وتشكرراتن ع التقييم

[غروب الخجل]

كلمات رائعه ..
جميل ماتطرحه هنا من قصائد
لها رونقها الخاص
ودي لج

[чα ьяi ζαιi•¬ ‏​‏​]

اقتباس المشاركة الأصلية كتبت بواسطة غروب الخجل كلمات رائعه .. جميل ماتطرحه هنا من قصائد لها رونقها الخاص ودي لج

هلا ومرحبا منوووره يالغلا

[فهد الهباش]

سلمت يمنااااااااااااااااااااك على النقل الرائع
اشهد انها قصيدة تحط على الجرح يبرى
تقبلي تقديري وتقييمي

[чα ьяi ζαιi•¬ ‏​‏​]

اقتباس المشاركة الأصلية كتبت بواسطة فهدالهباش القحطاني سلمت يمنااااااااااااااااااااك على النقل الرائع اشهد انها قصيدة تحط على الجرح يبرى تقبلي تقديري وتقييمي

هلابك ياولد العم ....واسفرت وانووورت