[لاتقفل ابوابك ترى البيت اباجيه]

[ثامر العنزي]

دامك نويت الصد والهجر ناويه **
الله يسهل لك دروبك ويحميك

وشهو بيدي اقدر اني اسويه **
دامه قرارك جعل ربي يقويك

منته بأول شخص يكسر بغاليه **
ولانته بأخر شخص ياقلب مغليك

ياكم قبلك باع في قلب شاريه **
وياكم شاري يابعد روح شاريك

لملم متاعك لكن الورد خليه **
تذكاردام اني مااقدر اخليك

وترك لي المنديل دام انت راعيه **
امسح به الدمعات لا جبت طاريك

ولاتقفل ابوابك ترى البيت اباجيه **
ورمي على الشباك وصرخ وناديك

ووصي بعد جارك اذا جيت لافيه **
يسمح لي اجلسبه طلبتك وراجيك

ايه وبعد لاشافني شوف وصيه **
يدخل اذا طولت تكفى لاوصيك

اخاف اموت بداخله وندفن فيه **
ولاحدن على موتي يجيلك يعزيك