مجاراتي لـ : إعلان لّلي ما بَعَـد جَـرَّب الحبّ

[unique brilliant]

بسم الله الرحمن الرحيم

اقدم لكم اليوم وحدة من أول القصايد المتواضعة جدا اللي سويتها و السبب قراءتي ومجاراتي لأبيات للمبدع محمد بن فطيس المري و نشرتها سابقاً على صفحتي الشخصية في الفيس بوك و حاولتأاعرضها على بوحمد يوم جا دبي السنة و عام لوّل و طبعا و بدون شك القصيدة ما ترقى لمستوى أو ربع مستوى بو حمد و اسمحوا لنا على القصور اللي فيها
القصيدة و هي مجاراة من بوحمد لأبيات سمعها تقول :

اعلان للي مابعد جرب الحب *** يترك طريق الحب قدر استطاعه

فيه الهنا ياتيك ساعه ويذهب *** وفيه العنا ياتيك في كل ساعه

رد ابن فطيس عليها وقال :

اعلان للي مابعد جرب الحب *** يسلك طريق الحب بس ابشجاعه

فيه الوفاء والغدر والصدق والكذب *** وفيه الفراق وفيه شوق اجتماعه

حظك على حظك تشجع وتجرب *** ان صبت ولا غير تاخذ مناعه


و ابوه الشاعر حمد بن فطيس رد رد إضافي وقال :

اعلان للي مابعد جرب الحب *** يترك طريقآ مايجوز اتباعه

معا الرجا والخوف والياس والذنب ***لو دام وصله ماومنت انقطاعه

شين غريب ايشاع في الشرق والغرب *** ترك القلاعه واتباعه قلاعه
و الأبيات كلها فهالتسجيل الصوتي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

و أنا بدوري كتبت قصيدة كاااملة على نفس المنوال أتمنى تعجبكم رغم تواضعها أقول فيها :-


[poem=font="Tahoma,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
إعلان للّي ما بَعد جرّب الحب=احذر تراه لكل قلب استطاعه


نصيحة إذا كان ودك تجرّب=الحب ميدان(ن) شديد(ن) صراعه


كلّن ولَه فالحبّ مَسلَك ومَذهب=والخير بَه والشّر تاتي ربَاعة


قلب(ن) خلي ماهو بيكره ولايحب=وقلب(ن) مجرّب فالهوى طول باعه


دايم على الغالين ماهو بيكذب=يبذل ويتعب والأوامر مطاعة


يحفظ مقام الحب لو هو معذّب=لو قال خلّه عطني العين طاعه


له فالهوى صولَة وجولَة ومَلعب=جرَّب ومارس واحترف هالصناعة


حسّاس وافي ما يماطل ويلعب=لكن همومه فازدياد وشناعة


يذوق كاس المر والقلب يتعب=ولبعد خلّه ما يروم استطاعه


يَبكي ويَشكي وما لجَرحَه مطبّب=كانَّه شقيق الحزن واخو رضاعة


ما نال مربوح(ن) ولا فادَه الحب=حتى حبيبَه مادرى بالتياعه


وقلبٍ ملوّن كل يوم(ن) وله حب=الحب عنده لعبة(ن) أو بضاعة


يبيع ويشري ثم يدفع ويسحب=ويلعب على الحبلين قدر استطاعه


ينسى حبيبه ثم يجافي ويعتَب=وان كان ما يَرضيه يشرَع شرَاعه


ويفارق الغالين حتّى بلا ذنب=ومن البداية خاطره فالقطاعة


هذا ولا له فالهوى شرع(ن) ودرب=و اَخير من وَصله لخلّه وداعه


هذي دروب الحب سالب وموجب=حب(ن) وفيّ وحب ينسى فساعه


فاقول للي ما بعد جرب الحب=الحب له في كل هاوي فظاعة


لا تبتلش وابعد وحاسب وجنّب=واترك طريق الحب وانسى متاعه


أحسن تعيش بدون قلب(ن) ولا حب=الحب مابه فايده فاتباعه


واعرف إذا قلبك شرا الماي أو صلب=واحذر تراه لكل قلب استطاعه

[/poem]


وسواااااااااااااااااالم ^^ و اعذروني على القصور يا الربع
و أتمنى القصيدة تعجبكم


by:unique brilliant