ياناس لاتبكون من جوع الاضلاع..الجوع والله جوع وصل المحبين..

ياناس لاتبكون من جوع الاضلاع..الجوع والله جوع وصل المحبين..

السسلام عليكم..


شخباركم؟

احب اقدم لكم قصيده جديده لي يارب تعجبكم..

عنوانها(وصل المحبين)

يقول:

ياناس لاتبكون من جوع الاضلاع
الجوع والله جوع وصل المحبين
لاصرت جايع وصل والوصل قطاع
واقفوآ حبايب قلبك ابعد من الصين
تشكي لوقتك لكن الوقت ماطاع
وابى زمانك يبدل الشين بالزين
وانا فؤادي ذاق من مر الاوجاع
وادميت ادور نور عيني لي سنين
وين انت ياريم الفلا عذب الاطباع؟
صديت عني وادمعت عقبك العين
وين انت ياللي تطرب لصوتك اسماع؟
طولت بالروحه ولا ادري على وين
يامنبع الاحساس..ياكنق الابداع
يامجمّع الاخلاق.. يامسجد الدين
قلي علامك تدبل الصاع بالصاع؟
وتزيد في هجرك وانا اقول بيلين
بخلت في وصلك.. ولك بالجفا باع
وانا تعبت بغيبتك مالي معين
اسلى بذكرك لو انا منك ملتاع
واسأل زماني ياترا جد بيبين
ُيعزف نغمك فداخل العقل بايقاع
واسج مع طيفك وانسى القريبين
ياراس مالي منك تصدير وايداع
كل الدموع الي لشوقي عناوين
لي منك قلبي مااوصيك له راع
ولك الوفا مبطي وهسى وبعدين
حبك حفظته وسط قلبي ولاضاع
حكمت شعب القلب حكم السلاطين
هذا شعب قلبي لحضرتك منصاع
ماهزته غارات رمي المساكين
إلطف بشعبك..ياملك شعبك جياع
شعبك بعد صدك يُعاني الأمرين
يرجيك لحظه وصل ماهوب طماع
يكفيه وصلك عن وصال الملايين
شعبٌ يحبك حب في كل الاوضاع
حتى عدوينه لعينيك غالين
بعدين يااغلى الناس وشفيك مرتاع؟
وتشك في حبك لو اقول حرفين!
ترا الجفا بحر عميقه بلا قاع
وترا العذل وده على فراقنا الحين
ثلج الوصل من شمس عذالنا ماع
ارحم غلانا ياجميل الحجاجين
لك بالحشا يانور هالكون مرباع
والقلب مايسكنه يالغالي اثنين
لا لاتصدق كل ماقيل او شاع
إلك الوفا مبطي وهسى وبعدين

وسلامتكم

ارائكم ونقدكم وتقييمكم يجبرني على تقديم الافضل


رائد..&

المصدر: الملتقى الجماهيري للشاعر محمد بن فطيس المري