من باب تقدير المواقف والاحباب

[راجح دايل المشعلي]

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من باب تقدير المواقف والاحباب=وأسباب هنات العيون وسهرها
لبا عيون الباب واللي وراء الباب= اللي قصر في كلمته وختصرها
حديثه أحلي من طعم در حنزاب= في روضه (ن)عانق مطرها زهرها
واحلامها اعلام وتواريخها كتاب= تزرع محبتها وتقطف ثمرها
ومنزالها بين النواظر والاهداب= لها دهر تحتلها وتعمرها
واليا زعلت تشره عليها وتنساب= بالرغم من حرص العيون وسهرها
وتلقالها بين المحاديب ترحاب = لبيه ياشمس الرياض وقمرها
لوكان مابه عذر نجعلها اسباب= و نقول أكيد ان الظروف تعسرها
يافلسفه سقراط واحساس زرياب=كل الاموار الخافيات تخبرها
ماردني من وصلك اهوال واحزاب=أخاف طيب معرفتك اخسرها
اعجاب لا والله تعديت الاعجاب =هنا بلا بين الضلوع يعصرها
يثر على وانوخ حمول وركاب = واترك مباهج خاطري وحقرها
اليل ماله صبح والصبح كذاب =شمسه ثمان سنين وانا انتظرها
احاتي الغياب وشك وارتاب =وارتاع من فرقا الغصيبه واثرها
من قصه الحبل وملاويه والداب=حرصي وخوفي صورة (ن) من صورها
الثلج ذاب الاعسي الثلج ماذاب= لا ذاب عود للجروح وغمرها
للوصل باب الا له ابواب وابواب =اللي دخلها شوق واللي هجرها
ياحباب ردوا باقي ايام ياحباب=قبل الرواحل تشتقي في سفرها
عندي لكم نفحات جوري وعناب = ومدة كريم (ن)بالوفا ماقصرها
هبت شمال وتهت والشوق غلاب =ولقتني البيض السواري ظهرها
ورجعت ادور لك وانا جد منصاب = واقوال ياشمس الرياض وقمرها
لبا عيون الباب واللي وراء الباب =اللي قصر في كلمته واختصرها
[/poem]

 

 

 

 

 

 

 

 

[العقاب]

ابطيت ياراجح وجييت بعد بطى

وقد قيل من طول الغيبات جاب الغنايم


وانشهد انها غنيمه ولا هيب اية غنيمه هالقصيده


صح الله لسانك على هالعظيمه

اذا بتضبط التنسيق خل النص المكتوب في العنوان غير عن المكتوب في النص

تقدر تضيف حرفين او حرف لكل كلمه في العنوان مثل خل العنوان كذا ( مَن بآب تقديرر الموواقف والاحبااب ) وراح يضبط ان شاء الله


ولا هنت

تحياتي لك

[ناصر الشريف]

اخي العزيز المشعلي صح لسانك والله لا يهينك ولا يقصر بك

ولكن هناك في النص اخطاء مطبعيه كثيره ارجو ان تعود الى النص

للتعديل
كــــل الامــــوار الـخـافـيـت تـخـبـرهــا

فهنا الكلام الملون بالاحمر
اعتقد انك تريد قول الامور الخافيات
وهنا في هذا البيت اخي العزيز راجح

والـيـا زعـلــت تـشــره علـيـهـا وتـنـسـاببـرغـم مــن حـــرص الـعـيـون وسـهـرهـا

اعتقد انك تريد كتابتها بالرغم

لان لو نطقناها كما كتبت لكسر البيت ولك مني كل الود والعرفان تقبل تحياتي وخالص تقديري

[أتعبتني همومي]

المشعلي
صح لسانك وتسلم يمينك على هالقصيده الراائعه.

[سلطان المري]

صح لسانك ياراجح شاعر كبير ولا عليك شكه

[أمير الشريف]

صح لسانك وبيض الله وجهك .. قصيده قمه .. تحياتي لك والله لا يهينك

[راجح دايل المشعلي]

اقتباس المشاركة الأصلية كتبت بواسطة ناصر الشريف اخي العزيز المشعلي صح لسانك والله لا يهينك ولا يقصر بك ولكن هناك في النص اخطاء مطبعيه كثيره ارجو ان تعود الى النص للتعديل كــــل الامــــوار الـخـافـيـت تـخـبـرهــا فهنا الكلام الملون بالاحمر اعتقد انك تريد قول الامور الخافيات وهنا في هذا البيت اخي العزيز راجح والـيـا زعـلــت تـشــره علـيـهـا وتـنـسـاببـرغـم مــن حـــرص الـعـيـون وسـهـرهـا اعتقد انك تريد كتابتها بالرغم لان لو نطقناها كما كتبت لكسر البيت ولك مني كل الود والعرفان تقبل تحياتي وخالص تقديري

ياهلا وغلا بك و نعتذر من الاخطاء المطبعيه وانت شاعر ومايحتاج تفسير للبيت وافي ياغالي واشكرك على مرورك

[راجح دايل المشعلي]

اقتباس المشاركة الأصلية كتبت بواسطة العقاب ابطيت ياراجح وجييت بعد بطى وقد قيل من طول الغيبات جاب الغنايم وانشهد انها غنيمه ولا هيب اية غنيمه هالقصيده صح الله لسانك على هالعظيمه اذا بتضبط التنسيق خل النص المكتوب في العنوان غير عن المكتوب في النص تقدر تضيف حرفين او حرف لكل كلمه في العنوان مثل خل العنوان كذا ( مَن بآب تقديرر الموواقف والاحبااب ) وراح يضبط ان شاء الله ولا هنت تحياتي لك

صح بدنك ووصلت الرساله طال عمرك لقينا مشاكل في التنسيق لا هنت على مرورك

[راجح دايل المشعلي]

اقتباس المشاركة الأصلية كتبت بواسطة أمير الشريف صح لسانك وبيض الله وجهك .. قصيده قمه .. تحياتي لك والله لا يهينك

صح بدنك ومشكور على مرورك

[راجح دايل المشعلي]

اقتباس المشاركة الأصلية كتبت بواسطة قلبي شمري المشعلي صح لسانك وتسلم يمينك على هالقصيده الراائعه.

صح بدنك ومشكور على مرورك