الجادل اللي شوفها يذهب الباس

[ابونواف التميمي]

سلام عليكم جميعاً

اليوم جايب لكم قصيده اسندتها على صديق لي وعزيز على قلبي

اتمنى ان تشفع غيابي عنكم الفتره الماضيه

جيتك وابشكي حالتي لك يابوالياس
.............. جيتك وابشكي لك جروحن قويه

قدلي ثلاث اسنين والوضع محتاس
.............. يا خوك انا ناصيك دون البريه

حيثك عزيز وصحبتك مالها قياس
.............. ما هيب صحبة من مشى بالدنيه

الله يجيرك من مقابيس الانجاس
.............. اللي رموا بيني وبينه قضيه

الجادل اللي شوفها يذهب الباس
.............. ما عاد لي في بعدها مقدريه

شفلي طريقه دلني شيب الراس
.............. وضعي تردى من قساها عليه

راحت حياتي بين هم وهوجاس
................. لعيونها الثنتين هذي وذيه

وان ما قسم ربي وزادن الاتعاس
.............. أنا اشهد إني ذقت منها الاذيه

راح التميمي وانطوت صفحة الياس
.............. ياالله عسى العشاق ما تروح زيه

..

بونواف التميمي

لمن عبر متصفحي

 

 

 

 

 

 

 

 

توقيع : ابونواف التميمي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[أمير الشريف]

صح لسانك وسلمت اناملك يابو نواف .. قصيده جزله من شاعر جزل .. ونصك هذا يشفع لغيابك .. ونحن كشعراء طمعانين في قصيدك ياليت توافينا بقصائد اخرى .. تحياتي لك

[لـورنس يــام]

لاهنت يابونايف وصح الله لسانك قصيده جزله
وتقبل مروري

[ناصر الشريف]

ابو نواف التميمي صح لسانك على هذا الشموخ

في هذا الحضور من طول الغيبات جاب الغنايم

واشهد انك ما قصرت بنثر هذه الدرر امامنا اخي العزيز

تقبل تحياتي وخالص تقديري

[سلطان المري]

ابو نواف تأكد اني متابع لك من بعيد ..

صح لسسسسانك على هالعظيمه


بصراحه يعجز العقل عن التعبير امام هالنص


صح لسانك يالغالي ولا هنت


ودي واحترامي

[عيوني حزينه]

ابو نواف لي مده ابحث عن قصيدك


الله يعطيك العافيه ماقصرت عدت والعود احمد

عسى مانحرم من قصائدك اللي ماتنمل


صح لسانك ولاهنت يالغالي


لك تحيه

[ألاداره]

صح لسانك يبو نوآف .. وعوده تجبر الخاطر


لاهنت .. واتمنى ما نفقد توآجدك ونبض حروُفك

[ابونواف التميمي]

اقتباس المشاركة الأصلية كتبت بواسطة أمير الشريف صح لسانك وسلمت اناملك يابو نواف .. قصيده جزله من شاعر جزل .. ونصك هذا يشفع لغيابك .. ونحن كشعراء طمعانين في قصيدك ياليت توافينا بقصائد اخرى .. تحياتي لك

صح بدنك يا الغالي

الله يعطيك الصحة والعافيه

وابشر بالجديد

لا هنت ولا هان راسك

[بن سيف]

صح لسانك يالتميمي شاعر جزل والله يعطيك العافيه وفي القريب العاجل في المنتدى نقرا جديدك وبكون واحد من متابعينك دامك تتحفنا بقصيدك,,,,,,,,,,,,,,,,,,,,,,,,

[الشاعر عوض هران ال صليع]

لاهنت على النقل المميز