نفوذ السحر

[علي المحوري]

<>

<>

<>

لوف حالي.. من نظرعين ابدويه
ليتني بهـدابها.. رسـمة .. كـحل

عقب صابتني العيون النرجسيه
حاشـها عني حياها.. والخـجل

ياصباح.. النور.. بالطلة.. البهيه
كـنه الا الـبدر ليلة.. يكتمل

كم ضميتك شوق..مايرويه ميه
وكم حعتك حب مجنون..وخبل

يانفل.. ياشيح.. ياوردة.. نديه
ياكرز.. ياتوت.. ياطعم العسل

ياعباره مبهمه.. بالجوف حـيه
مـن حكاياتـي المثـيرة.. للجـدل

يا جفول الخيل اصيلات .. الهويه
كل ماتصهل.. لها الخافق.. صهل

من حفيف الريح .. لا هبت عليه
بصنع إعجاز القوافي.. والجمل

وارسمك غيمة عساي احضى بفيه
عن لهيب القيض بحماك .. استظل

وارجع ارسمني لهب واتذوب فيه
وانـصهر.. لا ذبـت فيه و اشـتعل

واشـعلك شمعة للآمآل الخــفيه
في سـراجيف الضماير يبتهل

بين هذي وبين ذيك وبين ذيه
كـنه الاسـحر.. معقود .. العمل

سـحرتكـفر به ذنوبي والخطيه
وآمنت به.. كل نبضات.. الأمل

ازرعيني مثل وردة موسميه
،بين رماّنك، وتـوتك، والنفل

عقبها لو زاد جرحك ألف كيه
باتلّذذ.. في جروحك ما أمل

حتى لو مجنون ليلى العامريه
شاف حبي لك.. من اجنانه عقل

أشتكي لك من في طي القضيه
انت خصمي وانت لي قاضي العدل

بس تكفى.. راجع اوراقك، شويه
لا تحمل ذنب حكمك في عجل

وإن نويت يكون.من حبك ضحيه
قم توضا وإدع لي ربك وصل

اتمنى ان تنال رضاكم،،

<> <> <>

 

 

 

 

 

 

 

 

[رشيد]

قم توظا وصل
-
ماشاءالله عليك ياعلي
صح لسانك اخوي
ولايشغلونك الحريم عنا تراهم يشغلون.!

[أم عمر]

قصيدة جريئة

شاعرنا القدير علي المحوري

صح لسانك ولا هنت

تحيتي وتقديري

[علي المحوري]

اقتباس المشاركة الأصلية كتبت بواسطة لولوه المري قصيدة جريئة شاعرنا القدير علي المحوري صح لسانك ولا هنت تحيتي وتقديري

هلا وغلا مشرفتنا الغاليه لولوه المري
ممكن تكون خطيره شوي لكن
ماني شايف فيها هذيك الجرائه الكبيره
شاكر لك حضورك المميز وتعقيبك الكريم
تحياتي وتقديري

[علي المحوري]

[

quote=

رشيد

;374389]قم توظا وصل
-
ماشاءالله عليك ياعلي
صح لسانك اخوي
ولايشغلونك الحريم عنا تراهم يشغلون.![/quote]





هلا وغلا بخوي رشيد
يازين الحريم حتى لو اشغلونا
صح الله بدنك واشكر لك مرورك الكريم
تقديري واحترامي