لو يرتجينا الف ليله وليله

[لافي العتيبي]

قولوا لبن بطاح ماهو بمعذور
لو يرتجينا الف ليله وليله

مدام رآسه بين الانذال معمور
وش له بقا بين العلوم الرذيله

ماني على رفقه ضعيف(ن)بمجبور
ولاني بمثله لقبلوا شلة شيله

انا كتابي كل صفحاته سطور
تحكي وفاي وكل وادي بسيله

والذيب مايقبل على نفسه البور
لاحملوه بحمل قام ويشيله

ماهو بشرط الحكم ياتي على الشور
كم واحد(ن)عاش بوطن هد حيله

وانا قد اتكلبشت ظلم(ن)وبي جور
كله عنا لجل العيون الكحيله

اما تعيش بذل وتكون مقهور
والا فجنب عند مزبن دخيله

والعايب اللي مابعد شاف محظور
لابد من يومن يقابل زميله

لاشاف له اعمال تخرج من الطور
لاعاد له نافع ولاله قبيله

ويالله تغفر لي لما جاني الدور
واقبل علي وشال نفس(ن)ذليله

اما على ظلمات والا على نور
كل(ن) يدور مخرجه ثم سبيله

 

 

 

 

 

 

 

 

[رشيد]

صح لسانك اخونا لافي
-
ليت بن بطاح قريب ويرد عليك !

[انفاس الرحيل]

صح لسانك

[ماجد الشيباني]

صح لسنك اخوي لافي
ابيات جزله وعذبه تحمل معاني راقيه
تحياتي