جديدي

[يحيى الأسيود]

بسم الله الرحمن الرحيم

السلام عليكم ورحمة الله وبركاته


اقدم لكم جديدي آخواني اخواتي اعضاء هذا المنتدى الرائع


وش باقي من الشعر للحين منقال
مايفترق بالشعر كود الجزاله

احدن ليا منه نظم كله اهزال
واحدن ليا منه نظمها لحاله

شعار تقصد بالغزل دوم بهبال
وشعار حكمه والحكم وسط باله

وكلن بما يطرح يلاقي له اقبال
والذوق بين الناس حالته حاله

وانا من الجزلين وبيوتي اثقال
واللي سمع لي بيت طوح عقاله

جبت الحكم لهل الحكم دوم برسال
واللي يبي بالزود يرسل رساله

وجبت انا بعضه بزينين الافعال
والشعر يشهدلي ترى بكتماله

ماجبت شعري بالغضي لابس الشال
لن الحكم والمدح ماهي من آله

حتى السياسه يوم ماجت على البال
راضي بوضع الناس والبال داله

واليوم هز القلب لنظم زلزال
عجز خفوقي يابشر لحتماله

بشار واللي ضمن صفه هالانذال
اللي على السنه مزود هباله

يمشي ويقتل والعرب صبرهم طال
مثل الدجاج اليوم عند الحثاله

ان كان خوفا منه حنى ترى ابطال
فكو لنا باب الجهاد ونناله

حنى ذيابه ودنا فيه ننهال
يالين بيدينا نغيب هلاله


وسلامتكم

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

[أم عمر]

الله

صح لسانك شاعرنا ولا هنت على هذه الابيات الجزله بيض الله وجهك

ولا هنت

تحيتي وتقديري وتقيمي

[جمعه ابومزون]

صح لسانك يامبدعامتعتنا بهذه الرائعة

[رشيد]

صح لسانك اخوي يحيى
ماقصرت في القصيده
جزله وانت جزل

[عبدالله السفياني]

صح بدنك واصل على ابداعك

[يحيى الأسيود]

صحت آبدانكم تشـررفت ,, في ردودكم

[مجازفف]

صح الله لسناك ي يحيى ....
الله ينصر أخوانا بالشام وبكل مكان .... الجرح كبير والامد طال ... لكنـ الامل بالله أكبر .... سبحانه ...

تستاهل ++++++

[يحيى الأسيود]

صح بدنك آخوي الكريم ,,,

الله يسمع منك يارب

اشكر لك مرورك وتقييمك

[بنت برقا]

صح السانك مدد بلا عدد

شاعر متمكن ابدعت في صياغه الابيات

والله ينصر اخونا المسلمين بسوريا وكل مكان

دمت بكل خير

[يحيى الأسيود]

صح بدنك آختي الكريمه

الله يسمع منك يارب