خلاص كافي يازمن لو تكرمت

[متعب الثقيل]

السلام عليكم



إلى متى ياوقت ,,,, تجرح وتغتال
والى متى ياحظ , لاطحت ماقمت



ملامحي , تشرح تفاصيل الأحوال
طال إنتظار الحلم ,, وآنا تأزمت



على الشقى والهم , ياضيقة البال
صابر ,, ولكن يعتري حالي الصمت



على كثر ماشفت , طعنات وأهوال
أضحك ,, ولكن ماشكيت وتكلمت



وإذا شكيت أشكي على نفسي الحال
وأشعل فتيل الصبر , كل ماتألمت



آهيم بافكاري , على متن الآمال
في رغبتي وأحلام عمري تحزمت



وأقطع مسافه فالأمل وأقطع أميال
مير إكتشفت إني غفيت وتحلمت



صبري غدا ياوقت مضرب للأمثال
ياما من الصدمات , ذقت وتعلمت



أصد عن بعض الآوادم , والأشكال
وعلى فعول الطيب ماقد تندمت



وأهل الحسد والكره والقيل والقال
أغيظهم , لامن ضحكت وتبسمت



مابين قسوة وقت , وطعون الأنذال
خلاص ,, كافي يازمن لو تكرمت


لمتعب الثقيل
،
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،