بلى سلامه

[القاف الحزين]

لزمت صمتي لين هـجّ من فم السكوت أصوات
تصرخ في وجه الوقت الظلم الحق لابسه أقنعه

**
تعبت يا الصبر ترى فوق الصبر متصبرات
سنين عمري اللي تقضم الشقاء ثم تبلعه

**
حزن و وله شوق و فراق وهم و عتاب وآهات
صكت بعيني السماء و الارض ما فيها سعه

**
يا هشم كبدي هشمة الفنجال حين أصبح فتات
و يا حرّ قلبي حرة الجمره لياهي مولعه

**
يوم أنصدم بعـد الوفاء و العشره خابت الهقوات
عـذر السفيه يوم تغرق ما يعيد الاشرعه

**
يا وجد حالي لو بتشره ما تفيدني الشرهات
وش خانت الرشاش في خارج حدود المزرعه

**
هذا الزمان الصاحي أشطر من يسطّر الكذبات
و الناقص أكثر البشر بسم الحضاره تتبعه

**
وياللاسف الحب سافر مع سراب الامنيات
صعب يتحقق وإن تحقق الكرامه تمنعه

**
لذا قررت أصد و الصدّه إلى يوم الممات
الموت أهون قبل ما تجي العواقب موجعه

**
ودي يعيش أحساس و المشاعر في دنيا الثبات
ولا تعيش أفكاري و دقات قلبي مروعّه

**
بلى سلامه يالدروب اللي سقتني الحسرات
ضرسك وهـو ضرسك وإن أوجعك لاشك تقلعه

**

و دمتم بـود ...,