ياللي غرامي كان غاية مرادك

[متعب الثقيل]

السلام عليكم // مساكم الله بالخير

للتواصل ، متواضعه لي

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

ضيعّك فكرك والغرور ، وعنادك
يومك خسرت اللي يحبك ويغليك



شِحّ العطا ، يعذربك في ودادك
مير الوفاء عذروب منهو يحاكيك



إنسى الغرام ولايجي فاعتقـادك
إني بعد صدك ، آحبك وآحاتيك



حاولت آدور لك عذر ، في بعادك
ولا لقيت اللي عن الصد يعفيك



آراهنك ،، لاصــار هالبعد فــادك
ضــايع ومتشتت ، وخـابت آمــانيك



حبي رفع قدرك ، وعزك ، وزادك
والكل ، من قدري يحـــاول يراضيك



ياللي غرامي ، كان غاية مُــرادك
واليوم ، غرك ياحسافه تعــــاليك



آنا نسيتك ، وانت للحين عــــادك
تفكر إني ، يمكن أرجع وآنـــاديــك



خل الغرور اللي على البعد قادك
يسلي وحشة وحدتك في لياليك



وفّر عناك وجيّتك ،، وإجتهادك
عفتك وعفت الحب كله وطاريك


وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،

[habeeb alqurni]

طيب .. عيني ف عينك

أتعبت الشعراء بعدك يا م.ت.ع.ب
صح الله لسانك يالجزل .. اشهد انها جزلة من راسٍ جزل

أبيات كثيرة قرأتها وأعتبرها علامات فارقة في الشعر .. بحقّ
منها :


وكلّها راقية طبعاً وتداعب القلوب بإحساس ناعم وفريد رغم ما ورد فيها من تصنّع للقسوة

كلّك ابداع .. ما شاء الله عليك

شكراً لإمتاعي بحرفك الفريد

[habeeb alqurni]

البيتين اللي نسيت اقتبسها في الردّ المحترم م م م م أعلاه

ياللي غرامي ، كان غاية مُــرادك
واليوم ، غرك ياحسافه تعــــاليك



آنا نسيتك ، وانت للحين عــــادك
تفكر إني ، يمكن أرجع وآنـــاديــك

[سعيد البلوشي]

صح لسانك أخي

[متعب الثقيل]

اقتباس:
المشاركة الأصلية كتبت بواسطة habeeb alqurni [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
طيب .. عيني ف عينك

أتعبت الشعراء بعدك يا م.ت.ع.ب
صح الله لسانك يالجزل .. اشهد انها جزلة من راسٍ جزل

أبيات كثيرة قرأتها وأعتبرها علامات فارقة في الشعر .. بحقّ
منها :


وكلّها راقية طبعاً وتداعب القلوب بإحساس ناعم وفريد رغم ما ورد فيها من تصنّع للقسوة

كلّك ابداع .. ما شاء الله عليك

شكراً لإمتاعي بحرفك الفريد





اخوي الغالي والشاعر المبدع حبيب /

صح بدنك ياغالي ،،

والله إني أفتخر في تعليقك ،،

أساساً مرورك بحد ذاته فخر وربي ،،

والقصيده هذي صدقني ماتجي نقطه من بحر إبداعك ،،،

ومن ناحية تصنع القسوه ، لابد منها تعرف حركات يعني هههههههه

لاهنت وبيض الله وجهك ،،،

[امنيات]

و عليكم السلام و رحمة الله و بركاته
صباحك خير خووي

خل الغرور اللي على البعد قادك
يسلي وحشة وحدتك في لياليك

وفّر عناك وجيّتك ،، وإجتهادك
عفتك وعفت الحب كله وطاريك

صح لسانك و علا شآآنك

[متعب الثقيل]

اقتباس:
المشاركة الأصلية كتبت بواسطة سعيد البلوشي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك أخي


سعيد البلوشي /

صح بدنك ياغالي

لاهنت
،

[عبدالله سعود المتعب]

اررررررررحب يامتعب مبدع حتى الاشبااع

ماني مطول عليك التعليق انت شااااااااعر صح لساانك

[الماسـه]

ماشاء الله صح لسانك استاذ متعب

فريد بقصائدك دائما

الله يحفظك يارب

[موسى ابومشهور]

الله الله - - الله الله
روعه
وابداع وابداع

وتمكن
صح لسانك شاعرنا
متعب الثقيل