عشق العذارى هواه إفلاس - الملتقى الجماهيري للشاعر محمد بن فطيس المري

عبدالله سعود المتعب · منذ /12-12-2012, 04:53 AM

السلام عليكم ورحمه الله وبركاته

اسعد الله مساكم وصباحكم بكل حب وخير وموده

لكم هالمتواضعه واتمنى ان تشفعلي بعد انقطـــاع

[poem=font="simplified arabic,5,blue,bold,normal" bkcolor="white" bkimage="" border="double,4,blue" type=2 line=0 align=center use=ex num="0,black""] الشاعر المرهف الحساس=قلبي تـولع بمزيونه
الطول والخد والنعاس=صدفه ذبحني من عيـونه
الموت لاهبهب النسناس=لاحرك القلب ياعونه
الحب يبكي على الكراس=والهاجس العذب للحونه
ارسم نجومي ولي نوماس=يرقى سماها ومصيونه
عذب المشاعر بدون قياس=والوصل من دوني ودونه
عشق العذارى هواه افلاس =ياكم شاعر يخذلونـه
الوجد طفلن طواه الياس=والطفل انا من يبكونه
حرمان روحي سهام وفاس=والشعر جنتبي جنونه
خيالي الي جهله الناس=وبالملهمه كم يعزونه
قلت الحقيقه وانا حساس=والوجد ياكبرها طعونه
البرق شعله يـدق اجراس=باامر الولي خلقه وكونه[/poem]

سلمـــــــتوا ويشرفني متابعتكم لي بالتويتر
عبدالله سعود

توقيع : عبدالله سعود المتعب

مال البنادم بالمقادير حيلات ____$____ من شر من خير ٍ صبورٍ ٍ جزورعي
جرح الزمن مايجبره لوم وسكـات____$____ ونه خفى تنهش بقلبي تروعي
جمر الغضى ضيف ٍ بصدري له اثبات ____$____ في داخل احساسي نشرله فروعي
ماتنفع الشكوه على ناس ٍ امـــــوات____$___ يامسامر النجمه كسرررت الظلوعي

مســـــــــ النجـــــم ـــــامر
[/SIGPIC]

التعديل الأخير تم بواسطة خالد العبيريد ; 12-12-2012 الساعة 09:32 PM

راعي النقى · منذ /12-12-2012, 07:43 AM

صح لسانك يا اخي العزيز رائع
الى مالا نهاية لا فض فوك

habeeb alqurni · منذ /12-12-2012, 02:08 PM

صدقت .. ومهوب الشعار اللي يخذلنّه ، الّا كلّ من تولّع بمزيونه ههههههه

صح الله لسانك

خالد العبيريد · منذ /12-12-2012, 09:39 PM

وعليكم السلام ورحمة الله وبركاته ,,

ياهلا ومررحبا يابو سعود حياك الله ,,

صح الله لساانك وصح قلبك ولاهنت على هالهجينيه الجزله يالجزل ,,

شهادتي فيك مجروحه يامسامر وانت تدري ,,

تحياتي وكل تقديري لك.