أشوف انا وقتً

[سهيل المري]

السلام عليكم ورحمة الله وبركاته
بعد الغيبه الطويله اقدم لكم ذي القصيده
وارجوا ان تحوز على رضاكم،،،،،،،،



اشوف انا وقت غدابه ركودي
وقتً على الاجواد بين مياله
وقتً به الحصني يذل الفهودي
والحر الاشقر ما حدً زيد شاله
والناس بالاوصاف مثل النقودي
احدً ذهب و احدً يساوي حثاله
كم واحدً بالطيب يرقى سنودي
كلمة نعم و المرجله راس ماله
طيب العرب ينقص وطيبه يزودي
قرمً كسب كل المدح و استواله
وكم واحدً طيبه تعدى الحدودي
طيبه معا الاقصين يبغيه قاله
في دربه الخبلان تنثر ورودي
و مكبرً حمله ولا زيد شاله
وترا الاسد ما ينجب الا الاسودي
و البوم بوم ويتبعونه عياله
واقول انا قولً و عندي شهودي
الطيب السندا و المراجل حماله


و سلامتكم،،،،،،،،،،،،،،،،