المُحـــــال

[امنيات]

صباح / مساء الخير و السعادة لقلووبكم الراائعة ...

جاني واحد قال : بسـأل كـم سـؤال
وقبل يسأل قلت : أنا مانـي خبيـر !

قال: جاوب بس , يـا ولـد الحـلا‌ل
وكل كلمه حِطَّهَـا .. بشطـرٍ صغيـر

قال نبدي : شنهو تعريف المُحَـال..؟

قلت : خَل هالكلمه فـ الشطر الأخير ..!

القهر : إن شفـت دمعـات الرجـال

والوطن : ( إنسان ) .. مِتغيِّر كثيـر

والطفل : لعبه علـى شاطـي الرمـال

والأ‌مل : إحساس في عيـن الضريـر

الوفا : [ قلبين ] .. يجمَعهُـم حـلا‌ل

والرَجُل : اللـي علـى أهلـه يغيـر
والرجـا : لا قلـت : للواطـي تعـال

والفشل : مـدري .. ولكنـه مريـر

والشعر : في وقتنا .. بـدر وطـلال

زين وأوَّل : حيل يعجبني جريـر ..!

والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر

والجفا : إعكس مفاهيـم / الوصـال
والوَصِل : يعنـي تأكَّـد فيـك خيـر

والعقـل : تِسْفَـه أقاويـل الجـهـال
والجهل : إن قلت عن نفسـك كبيـر

والخطر : لا‌ صار مـا عنـدك مجـال
والبلا‌ : إن صـرت معـدوم الضميـر

والعجب : لا‌ صرت تسأل منهـو قـال
والتعب : إن كنت تِبْحَثْ عن مصيـر

الغنى : بالنفس مـا هـو راس مـال
والفقر : من كان .. بأعمالـه فقيـر

يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر

ما أبي تضرب لي في غيـرك مثـال
قول : عنِّك وإعتبر سِـرِّك فـي بيـر

جات طعنـه مِـن جنوبـك و الشمـال
يعني وضعِك بين مِن حُولـك خطيـر

صاحبـي وإن ضاقـت بعينـك ليـال
لك فرشت القلـب مفـروش الحريـر

في [ بلاد الحلـم ].. ممنـوع العقـال
والمصيبه الشعب مـا إختـار الأ‌ميـر

وما ألومك .. كـان شدِّيـت الرحـال
دام بيتك جـرح / وفراشـك حصيـر

هـذا تعريفـي إلـى كلمـة : مُحَـال
شيء ودِّك فيه و لا‌ يمكـن يصيـر ..!

اتمنى تلاقي إستحسانكم ,,^_^

 

 

 

 

 

 

 

 

توقيع : امنيات

إذا غبت .. حللووني !! اليوم أنا هنا و غداً لا أعلم ؟؟!! دعواتـــكم في ظهر الغيب ""

[مخاوي الدروووب]

امنيات القصيده راقت لي
لاهنتي ومشكوره
وما تقصرين
قصيده جميله
تقبلي مروري .

[امنيات]

اقتباس المشاركة الأصلية كتبت بواسطة مخاوي الدروووب امنيات القصيده راقت لي لاهنتي ومشكوره وما تقصرين قصيده جميله تقبلي مروري .

حياك خووي
يسعدني أنها رااقت لك ^_^
تسلم و لا هنت يالطيب
شكراً جزيلاً لك