ياعبدالله ابن بخيت .. قصيده وردها

[عبدالله السناني]

هذه ابيات ارسلها لي العم الغالي .. نايف سلامه السناني ,, وردي عليها
[poem=font="simplified arabic,6,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black""]
ياعبدالله ان ابخيت ماني قضيف ابطان = ولاني من اللي كل عثره يدورها
انا لاوصلت ادخل برجلي مع البيبان = واسج المطايا لين تعرق مناحرها
تراي انتظرك بفارغ الصبر ياشيهان = قلوب البشر ماتت وماتت ضمايرها
يالولا الليالي جابرتنا على الكرهان = علوم السعد من عصر اجيك ف بشايرها
وش اللي يحدك ماتقول الكريم امعان = وانا مانويت اكشفك واظهر سرايرها
لعل ابرة التخدير ماظرت الابدان = اشوف البشر تشكي وتاكل ب اضافرها
من اول بغيت اكتب على صفحة النسيان = وهاللحين جاتك سلعتن وانت تاجرها
لقينا البلا من حية(ن) ترِضع الديبان = تسمم هل الغفله وتعمي بصايرها
خذ الموجز اللي جاك نبذه مع العنوان = تبيها طويلة باع ولا نقصرها ؟
[/poem]
وهذا ردي على الابيات
[poem=font="simplified arabic,6,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black""]

انا خابرك شاعر حكيم وفصيح لسان = تعسف الجزايل لين ترخي مناخرها
يقول المثل حمر المطايا مع الشجعان = واظنك حكيم الراي تعرف تدبرها
عيون الوحْش حمرا ولو يفرد الجنحان = طيور السعد ماكل حايه تطيرها
على الفجر الاول نلتقي داخل الميدان = واجيب العلوم الطيبه مع مصادرها
ولو حاجة الرجال تشرى من الدكان = ماكان الرجال اليوم شابت صوابرها
تركد تركد لين اذكّي لك الشيطان = اذكيه وافخر بالجريمه واصورها
انا لاعطيت اعطي من الصافي المليان = وسلعه بليا ربح تفرض خسايرها
خذ العبره اللي صارت بهدهد سليمان = وشوف اليتاما دمعها مع محاجرها
توكل على الله صاحبك شامخ النيبان = قصيدتك محسوبه عليك انت شاعرها
[/poem]

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[habeeb alqurni]

الله أكبر .. ماشاء الله لا قوّة الاّ بالله

بدع وردّ من العهد القديم والجميل .. حضرت هنا في هذا الزمن الذي تكاد تندر فيه مثل هذه الدرر النفائس

صحّ الله لسانك ولسان عمّك الجزل يالسناني

[خالد العبيريد]

اررحب ياعبدالله حياك الله وحي نايف ,,

صح الله السنتكم وصح قلوبكم ولاهنتم شعراء من هل الجزاله ,,

كل التقدير والشكر لك .