على ذمــة هـوا الغربــي وصدري ماكـر الكتمه

[عامر صالح ال شنيف]

السلام عليكم ورحمة الله وبركاته
مسائكم وصاحكم بركات ورحمة
عذرا للأنقطاع وهي كالعادة متواضعة علها ان ترتقي للذائقة

على ذمــة هـوا الغربــي وصدري ماكـر الكتمه
تـطــرف لــي مــع حــل الــمسا ما خـم ذاكـرتي

وقبــض قلبي على مــا به هجـوس ٍ فـارت بدمه
تشــب الحــزن وتــكــرّه وتشــهب منه نــادرتي

وغـــثــا عيــنـي من الـدمعة تحس الجفن وتخمه
وبلـشت فــي أرتمـاشتهـا وعجزت في مسايرتي

سريت ووجهة الســاري على الذكرى وهي يمه
أبــا أقــطـع منحر الضيقة واثـر جيت لمناحـرتي

كــتــب ربـــي على قلبي معــانــاة وشقا صـدمه
وجــرح ٍ عـاصـر ايامي وصار اكثر معاصرتي

شبر صـدري الين اثكل من الضيقة رجا عـزمه
وحــدّ اليأس والســومه على تـاجــي وجـوهرتي

ونــزع مني بشـــاشـة حظ وأغـلا ما نزع بسمه
وإذا هـي بسمتي راحـــت وش الباقي يا هاجرتي

كفيلة مـــا مضى من عـام واللي من ورى وسمه
وذا عــــام ٍ يــكمّلــهـا وأنــا بمــحـــيــط دائـرتـي

ضـــيــاعي يــمـلـك أيـدني ويجبرها على رسمه
بلوحـــة تخــتصر عمر السنين بعــين حـاضرتي

وش الســبــه لــجـل حلمي يــمـوت بواقع العتمة
وجــفـني يـلـهبه جــمـر الســهر من ذنب كاسرتي

رحــــلــتــي والبــقــايـا كــبـــت والشــره لها غمه
يـفــنـدهــــا غـــلاك اللي تـــقــّـوى من مخـاشرتي

عـــزيــزة قــدت بــراس العــزيـز وطاحت العمه
جـليـلة مــا رضت عــرش العزيز وظل قـاصرتي

عــشــيــرة بس مــا رمـتي..غــزيـــرة ليتك الجمه
أصـــيــلــة تكبح البيدا..بخــيــلــة فــي مــخـامرتي

رحـــلــتـي والــنــديــب اللي يـجــرّي هبة النسمه
هـــوا صـــدرك لــيــا شــابـك من الكتمه مزافرتي

شـــهــقــت الضــيــم والتلويـــــع والذمه هي الذمه
وجـــابــهـت الغلا من يـــوم كنــتـي لـين غـادرتي

ولا ادري لـــيـه ذنــبـك جـــاء عظيم وعـــزر بأمه
ولا ادري لــيــه تــقــديــس الغــلا صـلى ببـادرتي

وعــشــقـتـك راحـــلـه لان الـهـوا ما زال بي نقمة
وحــظـــي مـن مــواثــيــقـي معك في ايدين قابرتي

شــهـــيدك والــوفاء حربه غرسها الحــظ والقسمة
رفــت جــسـمـي وانا حــي ٍ من الاحياء يا عامرتي

هـــذا (عــامـــر) ولا كـــل الأســـامي ترتبط بسمه
رحـــمـــه الله..وغــفـــر ذنبك عسى منتي بنـاكرتي

علــى الــذمــة هـوا الغربي ليا طرّف على الكتمه
يــشــب الـــحــزن ويــكــرّه وتــبـلش فيه ذاكرتي

وسلامتكم وسلامة نواظركم
عامر صالح ال شنيف

 

 

 

 

 

 

 

 

[الماسـه]

ماشاء الله صح لسآنك عامر

شفعت لك قصيدتك والا عاتبناك على غيابك

ولاول مرهـ قصيدهـ لك مفرداتهآ سهله

لكن دائماً مبدع الله يحفظك يارب

[عامر صالح ال شنيف]

اقتباس:
المشاركة الأصلية كتبت بواسطة الماسـه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ماشاء الله صح لسآنك عامر

شفعت لك قصيدتك والا عاتبناك على غيابك

ولاول مرهـ قصيدهـ لك مفرداتهآ سهله

لكن دائماً مبدع الله يحفظك يارب



هلا بك يا الماسه
تسلمين وصح الله بدنك وحالك
وشهادة منك على المفرده الصعبه والسهله اعتز فيها
لا خلا ولاعدم ولاهنتي

[امنيات]

و عليكم السلام و الرحمة
و مسائك خير و سروور خوووي
صح لسانك و علا شآنك يـ مُبدع
دُمت و دام قلمك راائعاً
تقبل مرووري

[خالد العبيريد]

وعليكم السلام ورحمة الله وبركاته ,,

ارحب يابو صالح حياك الله ,,

هذى هو الظن فيك يالقرم تغيب وتجيب الجزل يالجزل ,,

صح الله لساانك وصح قلبك وكلك ولاهنت ابيات اوقفتني كثير والله يعلم ,,

كل تقديري وخالص تحياتي لك واتمنى حضورك ومشاركاتك بالجديد والقديم ايضا َ.

[فارس الجهيمان]

عامر كما ذكرت مسبقااا عامر بجزالتك

صح ربي لسانك يالقرم ولاهان منطوووقك



عذب التحايا

[موسى ابومشهور]

اوف اوف اوف - وش هالحلا والابداع والتميز خوي عامر كما انت شاعر مبدع وسلس الاسلوب صح لسانك

[روابي]

ٍٍ صح لسانك ٍٍٍ

ٍٍقصيده رائعه ٍٍٍ

ٍٍ يعطيك العافيه ٍٍٍ

[ماجد الشيباني]

الله الله
كما عودتنا أخوي عامر بالسمينه والثمينه في طرحك
الجزل من النصوص الرائعه
أبدعت في القاف والمعنى
ولاهنت