عشنا وشفنا وانصدمنا ونسينا

[متعب الثقيل]

ليست نظره تشاؤميه ،،

ولكنها تحاكي واقع الكثير للأسف

قصيده لي ،، تفضلوها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

خــلاص يكفي يــازمن ، ماخذينــا
يكفي حزن ياوقت ، والآم ، وآتعـــاس



آسقيتنا الآوجاع ، لين إرتوينــــا
نخب الهموم بكاس والضيق في كـاس



وش عاد باقي يازمن ،، يحترينـا !
للصبر حد ،، وللمعاذير مقيـــــاس



مات الرجـا بقلوبنا ،، مادرينـــــا
بعد الرجا مات الوفاء مات الإحساس



لامن تأملنا الفرح ،، وآنتشينــــا ؟
برق الأمل ، يموت من طعنة اليــاس



مــرات آقول العيب منا ، وفينـــــا
ومرات آقول الوقت ، خــاين وبلاس



بس الآكيد ، إن الشقى يحتوينا
وآحلامنا ، ماتت على كف الإفلاس



إذا حكينا ؟ ، نندم إنــّا حكينــا
وإذا سكتنا ؟ ، ضاقت صدور وآنفاس



مهما تكلمنا ،، ومهما شكينــــا
عرق الغدر فالوقت والناس ، دسـاس



وآعظم غدر ، مما سمعنا وقرينا
طعنه في ظهّر كليب من رمح جساس



عشنا وشفنا ،، وانصدمنا ونسينا
وجروحنا ، صارت مع الوقت نبراس



دارت بنا الدنيا ، ورحنا وجينــا
نصبح ونمسي ، بين هم ٍ وهوجاس



واللي نحبه ،، للأسف مايبينــــا
صاروا له أهل الكذب جند ٍ وحراس



كنا حبايب ، والفرح يعترينــــا
بس إفترقنا والسبب بعض الآنجاس



ضاقت وزاد العوق ، يالله سرينا
ياقلبي المهموم ، لاباس ، لاباس



لو زاد ظلم الناس ، وآركى علينا ؟
ينصفنا عدل اللي خلق كل هالناس


وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،

[مخاوي الدروووب]

صح لسانك يا متعب وتسلم يمينك ولاهنت

يا الوافي اشكرك على القصيده الجزله

انا اشهد ان كلمات القصيده كلمات من ذهب

تقبل مروري .

[كان]

صديقي متعب.
كم انت مبدع ورائع.
كن على هذى العزف وكن.
في التقدم فأنت شاعر متمكن ياصديقي.

[متعب الثقيل]

اقتباس:
المشاركة الأصلية كتبت بواسطة مخاوي الدروووب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك يا متعب وتسلم يمينك ولاهنت

يا الوافي اشكرك على القصيده الجزله

انا اشهد ان كلمات القصيده كلمات من ذهب

تقبل مروري .





مخاوي الدروب /

صح بدنك ياغالي ،،

والله يسلمك ،،،

وأنشهد أن مرورك يثلج الصدر والله ،،

لاهنت ، وبيض الله وجهك ،،
،

[الماسـه]

ماشاء الله صح لسانك متعب
وربي انها ابداع تجنن
الله يحفظك يارب
وسجلني من متابعيك بإذن الله

[متعب الثقيل]

اقتباس:
المشاركة الأصلية كتبت بواسطة كان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صديقي متعب.
كم انت مبدع ورائع.
كن على هذى العزف وكن.
في التقدم فأنت شاعر متمكن ياصديقي.



صديقي كان /

الأبداع كان في مرورك وتواجدك ياغالي ،،

شرفتني كثير في مرورك ،،

لاخلا ولاعدم ،،

كن بالقرب دوماً ياصديقي ،،
،

[خالد العبيريد]

واللي نحبه ،، للأسف مايبينــــا
صاروا له أهل الكذب جند ٍ وحراس

الله عليك يامتعب اكتفي بهذى النص الشامخ ,,

حياك الله ياشاعرنا الجزل ,,

صح الله لساانك وصح قلبك وكلك ولاهنت ابيات وافيه وكافيه ,,

كل التقدير لك والشكر وشهادتي فيك مجروحه والله يعلم.

[متعب الثقيل]

اقتباس:
المشاركة الأصلية كتبت بواسطة الماسـه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ماشاء الله صح لسانك متعب
وربي انها ابداع تجنن
الله يحفظك يارب
وسجلني من متابعيك بإذن الله



الماسه /

صح بدنك يارب

الأبداع في حظورك الجميل ياراقيه ،،

شرف لي متابعتك وربي ،،

لاخلا ولاعدم من هالحظور ،،

،

[شـمـآلـي]

إذا حكينا ؟ ، نندم إنــّا حكينــا
وإذا سكتنا ؟ ، ضاقت صدور وآنفاس

بهذي وربي صدقت يالغالي
ونت تحكي الواقع
صح السانك يعمري

[ولد نجد]

صح لسانك متعب وبيض الله وجهك
ابيات جزله ورائعه
تحياتي وتقدير