........ الحب كلــه خرآفات ........

[ظافر العرجاني]

السلام عليكم ورحمة الله وبركاتة

اول شي كل عام وانتوا بخير
وعيــــدكم مبـــــآرك

ثاني شي هاذي ابيات متواضعه حبيت اقدمها لكم
واتمنى ان تنال على رضاكم

ياصاحبي ضاقت علي المساحات
والهم ضيّق صدر صاحبك واشقاه

تعبت من كثر الرجاء والمحاتات
وتعبت من قولة مع الوقت .. تلقاه

الحب خلا فالمحاني .. علامات
ينحت عليها البعد والعين تقراه

قريت فرقانا برسم ابتسامات
احاول اخفي همي اليوم وادراه

اعلن علي البعد فخلال لحظات
وافرح بي الشمّات واعداي واعداه

قفايته من دون تبرير وسكات
ممسي على وصله .. وفالصبح فرقاه

الحب في ذا الوقت كله خرافات
ماعاد به ناس(ن) تحمّل وتقواه

واللي يحسب الحب ضحك ومسرات !!
ابرك لي ابعد عنه واصد وانساه

ياما تلوع خافقي منه لوعات
وياما صبرنا والصبر زاد بلواه

وياما كتبت ابيات وابيات وابيات
ودي يدوم الحب والبعد مابغاه

واللي طلعنا به ... مغثه وصدمات
لكن على الخالق تزول المعاناه

واليوم لابالله هيهات هيهات
بشري فراق الحب ولاني فرجواه

وسلامتكم

 

 

 

 

 

 

 

 

[حمد بن محمد المري]

وعليكم السلام ورحمة الله وبركاته

وجعلك من العايدين الفايزين

صـح السانك ، وماشاء الله عليك ابداع ومتألق كالعاده

تقبل مروري وانا تلميذ في مدرستك

[خالد العبيريد]

واللي طلعنا به ... مغثه وصدمات
لكن على الخالق تزول المعاناه

ياسلام ياسلام ياظافر بيت قمه من شاعر قمه ,,

وعليكم السلام ورحمة الله وبركاته ,,

ياهلا ومرحبا حياك الله وكل عام وانت بخير وصحه وسلامه أن شاء الله ,,

صح الله لسانك وصح قلبك ولاهنت يامبدع ,,

تحياتي وكل تقديري لسموك.

[روابي]

ٍٍ صح لسانك يعطيك العاافيه ٍٍٍ

ٍٍ قصيده رائعه ٍٍٍ

[الماسـه]

كل عام وانت بصحه وسلامه يارب . .
وصح لسانك ظافر .ابيات رائعه
مو غريب على شاعر مثلك

[ظافر العرجاني]

صح الله ابدانكم جميع
وبيض الله وجيهككم

وشهاداتكم اعتز فيها واعتبرها وسام على صدري

الله لايهينكم على مروركم الوافي