غير اشهر بصوتي على روس الاشهاد ,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومساكم بكل خير وسرور ,,

اول شي اعتذر لقلة تواجدي بينكم والله عالم بالظروف واقول لكم من هذى النافذ بأني على وجه سفر الايام المقبله ودعواتكم لي بكل خير ,,

واقدم لكم ابيات متواضعه واتمنى تنول اعجاب من طلب مني انزلها لكم واعجابكم جميعا ً,,

واضيف لكم ترااااني ماحب اقول شعر الغزل والعكس احب اسمعه يالربع لاتنقدون علي يوم اكون بخيل في قصايد الغزل ,,


[poem=font="simplified arabic,5,darkred,bold,normal" bkcolor="white" bkimage="" border="double,5,darkred" type=1 line=0 align=center use=ex num="0,black""]
البارحه ماطاب للعين مرقاد=والسهر عاند للعيون وتحدا
كني من اللوعه على جمر وقاد=والهم ماله عن حشايه ملدا
اخذت اراعي خاطري حيد وحياد=لانن نور الصبح فالكون بدا
ياوقت باح الصبر وشهو بقى عاد=والي كتب لي مايجي له مردا
غير اشهر بصوتي على روس الاشهاد=وانخى وجيهن بالشهامه تندا
الي لهم في منبر المجد مقعاد=على الوفاء والطيب والجود جدا
ورث ٍ لهم صانوه من عهد الاجداد=طيب ٍ على وضح النقى مستمدا
ربعي عتيبه فعلها حي ماباد=سطر لها التاريخ فعل ٍ يعدا
أهل الفخر والطيب في كل ميراد=وعلى المعادي فاللاوازم تضدا
ان جا نهار الحرب بالشر منقاد=سقم المعادي كان للحد عدى
برقا وروق ان جات الايام بجهاد=عون ٍ لحال ٍ من جهدها تردا
تكفون ياربعي معادين الاضداد=قلبي من الحرمان والشوق قدا
أسباب من حبه على خافقي باد=وأرهى بنار الود عن كل ودا
من دونه إشيوخ ٍ لهم راي وشداد=أهل الصخى لاجاء نهار المبدا
تنطح وجيه القوم بسيوف ٍ أحداد=وأفعالهم في كل ميدان سدا
أقفت به الدنياء على غير ميعاد=وجدي على لاماه عن كل وجدا
وجد ٍ سقم حالي صطى فيه وإنفاد=لافادني زاد ٍ ولاشرب عدا
مثل الغليث الي به الغلث يزداد=والا غريب ٍ خلف الاسياج مندا
سجين ظلم ولالقى غالي ٍ شاد=ماله على واقع لياليه صدا
والا كسير الساق في يوم الاوغاد=من خلف غارات المعادين سدا
شيخ ٍ كبير وضاري ٍ للتوغاد=أرخت عزومه سود الايام عمدا
والا غرير ٍ شاف لوعات الاضداد=عقب الغلا ماله عن اللوم ودا
هذى ووجدي وجد من جاه حصاد=يحصد سنينه دون غايه ومجدا
فقير حال وتحت حكم ٍ على ماد=قهرٍ وظلم ولوم في كل خدا
قلته عقب فرقاه من هم وأكباد=واليوم من دونه حصون ً تبدا
أغيب فالحاظر وماضيه سناد=وهمي ملازمني ولامنه فندا
والطب من قبلي للاحباب مافاد=كم عاشق ٍ شكواه مع كل بدا
ياعزوتي ماعاد باقي ولاعاد=روفو بمن يشكي غرام ٍ مصدا
انتم هل النخوات من بين الاضداد=تبقى عزايمكم على كل مدا
تراه يشفق لي وهو لي وداد=شرع الهوى من بيننا قد تقدا
وإن ضاع صوتي بين غادي ونشاد=عزي لحال ٍ من غرامه تردى
[/poem]


وسلامة نواظركم وقلوكم ,, خالد العبيريد.

 

 

 

 

 

 

 

 

[الربع الخاااالي]

صح لسانك

ونعم بعتيبه

[فاقده ابوها]

ماشالله عليك صححححححححح السانك

[الماسـه]

ماشاء الله صح لسانك شاعرنا
رائعة من روائعك

ويارب تروح وترج بالسلامه
وقدامك الخير ان شاء الله

[خالد العبيريد]

الربع الخالي هلا حياك الله ,,

فاقده ارحبي حياك الله ,,

الماسه هلا حياك الله ,,


صح الله قلوبكم والله يسلمكم ولايهينكم على حضوركم المضئ ,,

جزيل الشكر لكم جميعا ً والله لايهينك الماسه .

[انفاس الرحيل]

صح لسانك مبدع كعادتك

[سنجار المري]

يابو اسهيل صح لله السانك حتى ترضي كفوا كفوا بالهيلا

والله اني يوم اقرا القصيده اقول هذي كنها من قصيد خلف ابن هذال

تقبل تحياتي اخوك سنجار المري

[ظافر العرجاني]

صح لسانك يالقرم

ونعم بلطامة العايل

والله يابوسهيل احترت وش بيت القصيده
انت مالك من الاسامي الا ( بحر الجزاله )

صح الله لسانك وجعلك ماتشوف شر وترجع بالسلامه
ولاتبطي علينا لأن مالنا غناة عنك وعن قصيدك


اقبل تحياتي يالقرم

[فارس الجهيمان]

بدايه ترجع بالسلامه يابوسهيل

وصح ربي لسانك ويشهد الله انها من روائع

خالد العبيريد لافض فووووك


عذب التحايا

[متعب الثقيل]

صح لسانك من اللحين لين تقوم الساعه ،،

قصيده شامخه ،، في قبيله شامخه ،،

الله يبيض وجهك على هالجزاله ،،،

،