نبني مداين وفاس الوقت هدّامي

[رشيد]

.

أنا وصوتي وحبري واثمن اقلامي
كم نحلم احلام لكن مانحققها
.
جينا بوقتٍ تخالف فيه الافهامي
تساوت الشمس مغربها ومشرقها
.
نبني مداين وفاس الوقت هدّامي
ما همه الا على الاوراق يزهقها
.
مكبوت والوقت يخنق بيده آلامي
محروم حتى من الآهات لأنطقها
.
الخوف برده سرى في داخل عظامي
وعيون شعري تهيّب من مشانقها
.
ان جيت ابنطق نطقت بحكم الاعدامي
وان جيت ابسكت غرقت بمايغرّقها
.
يعني أموت وأموت بتهمة ( اقدامي )
ولا أموت وأموت بكلمة ( احرقها )
.
يا (.....) الظلم هذي ( بلدة الهامي )
وابسط حقوق المشاعر في تدفقها
.
دامك من ايام عمري خذتي احلامي
واشعلتي النار في روعة حدايقها
.
وعن شف قلبي حجزتي رحلة اعوامي
حتى تبيّن سوادك فوق عاتقها
.
وش جاب وجهك بهالساحات قدّامي
خلّي الشوارع وابنزف في مفارقها
.
أكبر مكانك من الآهات بخيامي
واثمن ثوانيك من حفنة دقايقها
.
انتِ شريفة مكانك في السما سامي
لاتجرحين الطهارة في مرافقها
.
حواري الضنْك فيها كل شي دامي
ماباقي الا الحناجر من بنادقها
.
هنا جروح ومواجع وجهها الحامي
ينبي ضمير الحجارة عن حقايقها
.
ودي افضفض على ايامي عن ايامي
حتى تثور الليالي بوجه سارقها
.
يغفى من الهم سبابي على ابهامي
انفث من الموت روح الشعر واخلقها
.
آنا صياح الضحايا وجهة الرامي
ولسان عن حالة الرعب بخنادقها
.
وأنا يدين الطفارى تحت الارقامي
اللي تعالت على الناس بفنادقها
.
أنا جفون السهارى صوب من نامي
وآنا فحيح الجيوب بوجه بايقها
.
آنا رسول السواري صوب الاعلامي
اخفق بما تحتوي يمكن اخفّقها
.
ماني بكاتم وانا في شرعي الزامي
( أصدع بما تومر ) وحرر خلايقها
.
اخذي ! عن دروب بيتي خطوة اقدامي
واخذي مماليك روحي مع وثايقها
.
راضي بسجنك ورا القضبان لودامي
الا حروفي أنا طالبك .. ابعتقها
.
أواه ياوقت كبتٍ يخنق اقلامي
وخّر يدينك ترى ماعدت ! طايقها
.
لوما تهز القصايد روس الاصنامي
لابارك الله في تاريخ ناطقها

=============

للشاعر النوخذه / أحمد بن سارح

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[الدملوكي]

اشكرك على هالقصيده

[رشيد]

يعافيكم ربي ويسلمكم

صح لسان شاعرها ولاهنتم