البارحه ما والف النوم عيني,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

اقدم لكم ابيات بعد ماجاني خطاب من واحد والله ماعرفه ولاكتب لي اسمه بس يشتكي لي عن حاله,,
المهم أني كتبت هالابيات وإتمثل له على رد الخطاب ,,

[poem=font="simplified arabic,5,darkred,bold,normal" bkcolor="white" bkimage="" border="double,4,darkred" type=1 line=0 align=center use=ex num="0,black""] البارحه ما والف النوم عيني=سهران والخاطر مع السهر ماراق
إراقب نجوم ٍ تغيب وتبيني=وأقول ليت الخير مع نور الاشراق
أسباب خط ٍ جاب خافي كنيني=وأثر على قلب ٍ من الهم مافاق
تقرير عن حال ٍ وقلب ٍ طعيني=بلواي مع بلواه في حب وفراق
مجروح يشكي للجريح الحزيني=عاده من الشكوى على نار الاشواق
لو حس في شوقي وزايد حنيني=ماخط زاجه على بيض الاوراق
لاشك في قلبه غرام ٍ دفيني=وصبره قضى من حاله الي به أنعاق
يشكي عذاب الضيم طول السنيني=ويمر به في لاطف الهم وأرهاق
لو كان مدري ويش بينه وبيني=حبل الوفاء طايل ولاهوب بدقاق
حلت علي شكواه جيم ٍ وسيني=إتثلج الخاطر ولو صابه أحراق
ماهوب من ظني ولا من يقيني=لابد مانطلع على الحق لو باق
والله لو حكم الهوى في يميني=ماتنزل الدمعه على خد مشتاق
لاباس والمكتوب عندي ثميني=ماينطوي لو كان وقت القسى شاق
أنا بحالي قبل مالي عويني=وأقدم عسى للخير فالمزن براق
والله على جور الليالي يعيني=الواحد الي معطي ٍ كل الارزاق
[/poem]

وسـلامة نواظركم وقلوبكم ,, خالد العبيريد.

 

 

 

 

 

 

 

 

---

التعديل الأخير تم بواسطة خالد العبيريد ; 10-02-2012 الساعة 10:56 PM