زوجوني غصب

[شيخه بنت شيخ]

شفتها يا سعود صدفه بعد ما غابت سنين
عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن
ناظـرت فينـي بدهشه نظره متواضعـه

قالت انته تـحسبني من بنات صايعيـن
تـحسبني في زماني عن طريقي ضايعـه

قلت انا ماراح اطـول كلبوها كلمتيـن
وابعـدت عني شويه ثم جتنـي راجعـه

قالت اسال واضح انك من رجال طيبيـن
بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين
ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن
ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن
واذكر انه لاجـرينا كـن شعـره تابعـه

واذكر انـه عاشـق فـالورد الياسميـن
صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن
وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن
كـررتـها مـره ومـرتيـن ورابعـه

قلت وشفيك وشبـلاك يابنيه ترجفيـن
ليش عينك يابنيـه من كلامـي دامعـه

قالت الموقف وقلبـي والمحبـه والحنيـن
كيف اشوفك بعد ماكنـت عنك قانعـه

قلت انا بسألك انكانك انتـي تذكـرين
عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن
بيعونـي غصب حبك لو هو ماني بايعـه

انا في دنياي حالي كنهـا حال السجيـن
حتـى لو فكـوا سراحه فيه شي مانعـه

زوجوني غصب واحد وحرموني حاجتيـن
السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن
والولد ا سمه على اسمك والمشاعـر جايعـه



احيااناا تستمع او تقراء لقصيده تحس انها تلتمس شي من جانب حياتك الخاصه اوو

كانها تحكي علي لسااانك



صح لسان قايلتهاا






منقووول

 

 

 

 

 

 

 

 

[شـمـآلـي]

كم جد اليمه بالحيل
وهذا الدور اللي في القصيده والللي حكيتي عنه
تحصل في هذا الزمن وقليل قله قليله
والحين الزواج في حب ماكو
ياتتزوجين ابن عمك ولا ولد خالتك
صح السانه
وشكرك على النقل يشيخه

[شيخه بنت شيخ]

عادات وتقاليد انظلموو فيهااا ازواج


وتنتهي احيان بالحياه الزوجيه غير موفقه او الطلاق


ومازالو في فكرهم المعقد



شاكره لك مرورك يالشمالي


لاخلا ولاعدم

[عبدالله..]

لاهنتي على النقل

[ريف الصبا]

صح لسااان من قالها وربي يكون ف عونها وف عوني بعد

[بدر الشدادي]

يالله ياربي سترك ولطفك ياوالي


شيخه لاهنتي ولاهان رويسك

[غريب زمانه]

روعَــه ًَ ياشْيًَخهًَ
صحًَ لسانًَك ولسانًٍَ قائلهًَا ..
تسًَتاهلينًَ النامَوس ًَ
ربًَي يوفقك ونشوفًَ لك ابياتًَ اجمل يارب

[شيخه بنت شيخ]

اقتباس:
المشاركة الأصلية كتبت بواسطة ريف الصبا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسااان من قالها وربي يكون ف عونها وف عوني بعد


يسلموووو ريف الصبا علي المرور

[شيخه بنت شيخ]

اقتباس:
المشاركة الأصلية كتبت بواسطة بدر الشدادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يالله ياربي سترك ولطفك ياوالي


شيخه لاهنتي ولاهان رويسك



اي والله يارب سترك وعفوك يوم نصب الموازين



شاكره لك مرورك ويسلم راسك لاهنت

[شيخه بنت شيخ]

اقتباس:
المشاركة الأصلية كتبت بواسطة غريب زمانه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
روعَــه ًَ ياشْيًَخهًَ
صحًَ لسانًَك ولسانًٍَ قائلهًَا ..
تسًَتاهلينًَ النامَوس ًَ
ربًَي يوفقك ونشوفًَ لك ابياتًَ اجمل يارب



غريب



تستاهل الطيب

لاهنت