صب فنجاله ....!

[الودعااني]

هلا يانشوة الهجس الجــــــريح الشاكي المختال
هلا يااحلى جروح الهاجس اللي فيك مختاله



هلا يفداك قلبٍ في غيابك كم عليك احتال
يبي قربك لو انه ماعرف فـ الناس حياله



تعلم للوفا مبدأ وحـــطـــــك للامل تمثال
عزاه ان التعب زاايل مدامك صرت تمثاله



مدام انك تعزّه مايذلك لو غيابك طال
حرام انك عزيز ولك محلٍ ماحدٍ طاله



ولو طالت مسافاتك وعشت بغبة الاهوال
ابتهجّا لقاك وينتشي قلبي مــــــــــــــن اهواله



اسج الرجل في دربك ولو علووني العذال
الا يازين همٍ في مداك وزيــــــــن عذّاله



عساالله مايقوله بس انا بضرب لك الامثال
في وقتٍ لـــــــو غدابك ماتسرّه طيّب امثاله



اشووفك صورةٍ عذرى عليك من الوفا اشكال
واحسك فـ انكساار الوقت كل الحب واشكاله



واجيبك في خيالي والهقاوي فالهاابك فال
عزيزٍ انتخا بــــربــــعـــــه وربعه طيبوا فاله



هلابك دلـــــــــــــــةٍ ماتنحني لا صبت الفنجاال
هلا بكل ( الدلال ) اللي وحشني صب فنجاله



الشاعر : راشد النصافي

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه