قصيدة ((تكفى)) للشاعر خالد العتيبي

[روعة الاحساس]

تكفى وتكفى عن علومي تكفي

بعض الكلام اثقل من الهضب وطويق

ان جيت اسولف به لساني يجفي

وان جيت ابا ارده قطع حلقي الريق

واللي ورى حدب الضلوع امتلفّي

مرو العيون وميبسٍ للمعاليق

واللي بصفه واعتبرته بصفي

وقفته امر من الشري فالمذاويق

قفى وانا اسمه من ضلوعي مقفي

واكرم عن اسمه مبهمات الطواريق

كم ميّتٍ حيٍ وحي متوفي

وانا على اللي ميت لاعتب ولااضيق

ولوانّها يابن العريب الموفي

توخذ من الدنيا بسرد وملاحيق

طفي وشبي مير شبي وطفي

يانار وان عودت مالي مواثيق

كفي ويسقيني من الجم كفي

واموت والهقوه بروس الشواهيق

مير البلا وقتي تقول امتشفي

واللي افيق احيان عنده ولا افيق

اما انه ال سود الوجيه امتحفي

والا ان له قضعٍ بروس المطاليق

وان كان تنشد ويش ودي وشفي

قد شلت من حمل الدهر فوق ماطيق

ان كان لك فزعه تعضد بضفي

والا اعتذر وعذرك مثل المخاليق

واطوي على صبري ظلوعي واغفي

مع بيت والنحّل قفولٍ مغاليق

ياعنك ماجنبت خوف وتخفي

ياقلب مير الدرب حظ وتوافيق

 

 

 

 

 

 

 

 

توقيع : روعة الاحساس

لك مهرةٍ مـن بـد الأزوال تهـواك ولاغير شخصك فاز و ارخى رسنها علمتها تلعب علـى الكيـف ويـاك وروضتها ولاغير شخصـك فتنهـا امحجلـه تـورد عـدوك لـلأدراك

[عامر صالح ال شنيف]

صح السانك يا خاالد وحي قاافك
وصح ايدك يا العتيبية نقل راائع

[روعة الاحساس]

صح بدنك نيابة عن خالد
ووووسلمت على الحضور الرائع