أمتحاني صعب ركز وأنتبه!

[سحابة الطائف]

إمتحاني) صعْب .. ركّز وانتبه
وبعدها يالله عسانا نستريح


كل (سؤال) يزيد قدرك مرتبه
بس يا (شاطر) تركّد لاتطيح


و(الجواب) بكف قلبك تكتبه
(وحبّذا) لو كان بالحبر الصريح


السؤال يقول : (ما وجه الشبه)
بين خفّاقي وهالكون الفسيح؟


(بس / أموت / و/ فيك) ما هي مرتّبه
(رتّب الجمله على الشكل الصحيح)


ودام (عقلك مرجعك) و (المكتبه)
لومني (واستشهد بشعرٍ فصيح)


وهاك ) مختار الصحاح ( وقلّبه
لين صفحاته من عيونك تصيح


وديّ اللي تكتبه ما تشطبه
خلّه ب(مسودّة) القلب الذبيح


و(علّل) إنكارك غرامٍ ضعت به
و(أذكر أسباب) انجراحك يا جريح


وب(الحساب) إجمع غرامك وإضربه
و(عطني) الناتج ولوّ أنك شحيح


وب(العلوم) إشرف على هالتجربه
و(بخّر) أحزاني قبل دمعي (يسيح)


(الأمل) غير (الألم) في منصبه
غلطة (إملاء) تقلب الشّيْن لمليح


وللهوى (تاريخ) محدٍ كذّبه
قبل الاسلام وقبل عهد المسيح


من يكون اللي قصيدي يطربه
وإن بَرَد يدفيه عن بردٍ وريح؟


ومن يكون اللي بَنَت له مُعجبه
للوصل قصرٍ وللفرقا ضريح؟


إنتهى وقت امتحانٍ تهت به
والإناء بما حوى جوفه نضيح


فوق صدمة خافقي .. مستغربه
ولاْ هقيت إنّك بعلْم الحب .. ميحِ

مما راق لي

 

 

 

 

 

 

 

 

توقيع : سحابة الطائف

‏?‏?أتعَرف مآهُوَ أسّوأ شُعوُرْ ! عِندمآ يَفهَمْ الْنآس طيْبتٍگ خَطَأً !! وُيظنُوْنَ أنّ قرْبگٌ منْهُم لهُدفْ مآ [gdwl]وأنت لآتُريدُ مْن هَؤلآء الْنآسُ شيْء [/gdwl]غيَر أنْ يَكُونُوآ بْخيّر </3 سحابة صيف

[عامر صالح ال شنيف]

تسلمين يا سحاابة ويسلم ذووقك

[زهور الريف]

تسلمين على هذوق ي الغلااأ ربي يحفظك
ودي