قمت اغني لها شعري بكل الدروبي

[ناصر بن حسين]

جيت بعد البطا واسقى المعاليق صوتي
والهوا ما هو بغربي ولاهو جنوبي

بين هرج الجفا واحساسي اللي يموتي
كل هم على الدنيا توجه لصوبي

دمعة الضيق هلت واختنقت بسكوتي
يوم شرد المعاني للحبيب العبوبي

شاعرٍ بان وابياته لشعره ثبوتي
يرقب الهم فالمسراح والا الغروبي

اه يا ضيقةٍ حلت معي في بيوتي
ساكنه فالفواد وترتعي في جنوبي

كل ما قلت ابا اغني تبادر بشوتي
لين خلت سواد الحال لي مثل ثوبي

يوم غنى العواجي بالقوافي لنوتي
قمت اغني لها شعري بكل الدروبي