تابــوت الـــوداع ..!

[الودعااني]

عندما يكون الفراق لامحاله
أرجوك أرحل بلا وداع
هذه
وصيتي
تجدها
في

تابــوت الـــوداع

مع السلامه مالنا غير فرقاك
والله مالي في موادعك قدره



الله يسمّح درب مثلك وشرواك
والقلب خله عند الايام عذره



أن ماقدر يصبر تسليه ذكراك
لوكان في بعض التفاصيل قبره



وان جادة الاحلام فينا وشفناك
هي عبرةٍ تقفي على درب عبره



أقفت تنشد عابرٍ عن مطاياك
اللي لــهـــــا بين الزمانين هجره



تاقت وطاحت مالقت في زواياك
الا حنينٍ شلّع القلب جــــــذره



قلبٍ يفيق وينشد الصبح وش جاك
واثرك ناوي من ورى العام هجره



تبي الحقيقه جعل ماجاك يفداك
الرجل مايجبر على فــــج صدره



أما تجي بــرضـــاك ولا تركناك
أرحل ونا ادري مابقى غير شعره



بين الوداع وبين شوفت محياك
والقلب ماهو سلعةٍ وسط كبره



تبي تسلابي على جرف دنياك
صخرٍ تساويني على حد صخره



ماني صغير امــــــك ولا من رعاياك
لو شفت دمعي ينسكب وقت غدره



هذيك عبرة شايبٍ عاف ممشاك
من جاه يشكي ضنوته قال بصره



خلوه يسرح بين ذولا وذولاك
وان مت خلوني على باب قصره



وخـطو على التابوت هذي ضحاياك
وعساه يقنع بــــــــــارك الله نصره



وان شافو دموعك على حلق شباك
ماهي محنّه واغــــلــــب الضن فطره



أدخل على اللي بدعك في شفاياك
الرجل وش قدره ليا فج صدره



مــــع السلامه مانبي غير فرقاك
دام انت مقفي مالنا فيك قدره



الشاعر : مشعل بن جريد

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[ولد نجد]

صحت حروفك وتسلم اياديك يالغالي على الطرح ...
كل الود والتقدير

[الفلوه]

الودعااني
الله اختياراتك قمة وكلك ذوق خيي وتسلم والله صباحك وردوتقيمي لسموك

[الودعااني]

اقتباس المشاركة الأصلية كتبت بواسطة ولد نجد صحت حروفك وتسلم اياديك يالغالي على الطرح ... كل الود والتقدير

ولد نجد يسلمك ربي فديت روحك لاهنت يالغالي اشكرك ,,

[الودعااني]

اقتباس المشاركة الأصلية كتبت بواسطة الفلوه الودعااني الله اختياراتك قمة وكلك ذوق خيي وتسلم والله صباحك وردوتقيمي لسموك

الفلوه اطراء ومديح اعتز به كثيرآ اشكرك كثيرآآآ ولاهنتي ,,

[روابي]

صح لسانك

قصيده رائعه

يعطيك العافيه

[الودعااني]

اقتباس المشاركة الأصلية كتبت بواسطة روابي صح لسانك قصيده رائعه يعطيك العافيه

روابي منوره يالغاليه ويعاافيك ربي لاهنتي ,,