جعل عيد الله

[ناصر بن حسين]

الهوا في جمرة احساسي قلايد
والعنى في داخلي له ترجماني

والوفى جايد معى المعروف جايد
والدنس ضيع طريق المودماني

والخواطر ما تغذيها القصايد
والقصايد ما تغذيها المعاني

لكن الموضوع بالتعبير نايد
من خفوقي صادر لعظمة لساني

كل شخص بصادق الوجدان عايد
واسرع الوجدان في بث التهاني

جعل عيد الله بالخيرات سايد
والتهاني والوفى لاهل التفاني

يا هل المعروف نبض الشوق زايد
والفرح ما هو يحدد له زماني

عيد ربي عاد والتقدير عايد
بين لفظ وصوت واحساس واماني

والتهاني كل ابيها جت جدايد
رددت معناي واختارت بياني

كل عام وخير ربي له عوايد
للرجال اللي لهم كل امتناني

انتو اهل العز في وقت الشدايد
وانتو اهل الجود ورواق المباني

ذي تحيه والفرح كالعمر بايد
والجدي وسهيل فالقمه وزاني

 

 

 

 

 

 

 

 

[روابي]

صح لسسانك

يعطيك العافيه

[فرح الشهري]

والجدي وسهيل فالقمه وزاني

الله الله قسم ابدااااع صح لسانكـ واعتلى شانكـ ودوم التميز

[عامر صالح ال شنيف]

صح السانك يا بو حيسن استكنان على الكيبورد وجزاله معهوده من سموك
وكل عام وانت بخيييييييييير