يجي عيد ويعدي وتبقا مثل ماكنت=غلاك ايتجدد بين الاضلاع منزاله

[الودعااني]

اخواني وأخواتي أسرة هذا المنتدى الشامخ والمميز ابارك لكم بعيد الفطر المبارك
وأقول لكم كل عام وانتم بالـ1000ـف خير وعساكم من عواد العيد 0
أقدم بين أيديكم هذه القصيدة للشاعر : ناصر الحارثي (( هداج تيماء ))

والتي ارجو ان تـنال ولو قليل من استحسانكم 0

انا وانت عيدنا لكن وين انا وين انـت
ياعيد الفواد وفرحـة القلـب وآمالـه

بغيت احتفل بالعيد وافرح لكن هونـت
وش الفايـده لاعيـد الواحـد لحالـه

ترا مايجيلك طعم ياعيـد مهمـا كنـت
اذا ماجمعت الشخص باللي على بالـه

ونا ياحبيبي ماعرفت الهـوى وايقنـت
بصدقه سـواء لمـا تعلقـت بحبالـه

شربته على غرة ربيع العمر وادمنـت
كما يدمن اللي يعشـق البـن فنجالـه

ونا شف بالي شوفتك يالغضي لاهنـت
يانور العيون وغيمة القلـب وظلالـه

ليا ابطيت ماشفتك على ناظري هيجنت
بكار القصايـد وارزم الثلـب بعقالـه

اهيجن لشيخات القصايـد ولا دندنـت
على اوتار جرحي نوخ الطرقي اجماله

افرح لاحصل قربك ولاما ابتعدت احزنت
غرامك تقول النفـس ماتفـرح الا لـه

يجي عيد ويعدي وتبقا مثـل ماكنـت
غلاك ايتجدد بيـن الاضـلاع منزالـه

واذا العيد عدا ماجمع بيني انا وانـت
دفنت الفرح وايقضت للجـرح موالـه

وكل عاااااام وانتم بخير واعادة الله علينا وعليكم وعلى الامة الاسلاميه ,,

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه