يا شاعر المطران بلغ ضنا يام

[ناصر بن حسين]

يعني وقف ناصر وكلا معه قام
لولا وقف ناصر من اللي ذكرها
الناس من بعدي تجي ترزم ارزام
والناله الصعبه بكفي خبرها
يا شاعر المطران توك ضنا يام
قم خاطبه عله يعدل نظرها
والا الشريف فما معك صوبه اعلام
لن المشاكل كل ابيها دحرها
ما جبت لي قصه لجل ترسم احلام
والوقفه اللي لي تبين سفرها
شاعر وقف ما همه صروح الاعلام
روح التراجع في صميمه نحرها
والا انت يالشلحاط لو تزرع الغام
سيفي على اليمنا الرديه بترها
واجعل لقيفانك معى العالم احجام
حتى يشيد وقفتك من نصرها
ماهو لعينا البنت سارن الاقلام
بس الخطايا عاش من هو نكرها
لي خطوة تمشي على طول قدام
مثل السما لا هل وابل مطرها
جدي شرع للعالم اداب السلام
وانا لفيت اذكر اللي شطرها
اسلوب شاعر مات في صمت الايام
يا اما يعذب قوم والا قهرها
وان كان غارن الصبايا لي اختام
ترضي هوا النسمات واللي فطرها
تسبيح ربي خالق الكون باحكام
جل وعلا الارزاق فينا نشرها
وان كان في بنت الحموله خبر هام
اقصد فرح ما جيت ادور لاثرها
القول واضح يطرق الشرق والشام
ما غير فكره قلت ابا اجني ثمرها
يا بنت قلبي ما غزا صمته اجرام
شاعر طواريقه لبوحه حشرها
ماجيت ارد الايمه صوب الاقوام
مادام نفسي للضعافا سطرها

 

 

 

 

 

 

 

 

[ريف الصبا]

يسعدني انا اكون اول وحده ارد على موضوعك
واقولك صح لسانك قصيده مره حلوه

[ناصر بن حسين]

اقتباس المشاركة الأصلية كتبت بواسطة ريف الصبا يسعدني انا اكون اول وحده ارد على موضوعك واقولك صح لسانك قصيده مره حلوه

انا من سعد بمرورك الجميل يا ريف الصبايا

وصح بدنك والحلو هي طلتك على المتصفح

تقبلي تحياتي وخالص تقديري

[سـعود المطيري]

صح لسانك ودوك الرد الارتجالي هههههه

ونعم ياناصر مانقول لك منضام
والسالفه ماندري من اللي نشرها

مذمك مذمك من موفية الاغرام
قبايلن جاني في دياري خبرها


وان كان تقصد سعد فسعد صدام
حصان و كلبو الحواجز طمرها


والا انا ماهمني كل هرج الاوهام
اعرف سواد العلوم واعرف عفرها


بنيتلي قبتن ماتطايلها الاهرام
قبة فخر واسم المطيري فخرها


لاتدمر مباني الشام ياراعي الشام
النار شبت في وسط ربعك سعرها


مالك ومال كثر البلاوي والاحلام
ارضخ وبني اشهر تتبع شهرها


أنا ذكرت العام واللي ورى العام
وهذا السنه نسيت تالي شهرها


كم من غرابن لابانت له المظلمه حام
والصقر ليا شاف الحباري صقرها


قدام ياللي تبا درب الخير قدام
اما ببطن العلوم والا ظهرها

[ناصر بن حسين]

اقتباس المشاركة الأصلية كتبت بواسطة سـعود المطيري صح لسانك ودوك الرد الارتجالي هههههه ونعم ياناصر مانقول لك منضام والسالفه ماندري من اللي نشرها مذمك مذمك من موفية الاغرام قبايلن جاني في دياري خبرها وان كان تقصد سعد فسعد صدام حصان و كلبو الحواجز طمرها والا انا ماهمني كل هرج الاوهام اعرف سواد العلوم واعرف عفرها بنيتلي قبتن ماتطايلها الاهرام قبة فخر واسم المطيري فخرها لاتدمر مباني الشام ياراعي الشام النار شبت في وسط ربعك سعرها مالك ومال كثر البلاوي والاحلام ارضخ وبني اشهر تتبع شهرها أنا ذكرت العام واللي ورى العام وهذا السنه نسيت تالي شهرها كم من غرابن لابانت له المظلمه حام والصقر ليا شاف الحباري صقرها قدام ياللي تبا درب الخير قدام اما ببطن العلوم والا ظهرها

صح لسانك يا مطيري

ولكن لم توفق في اجادة الوزن

واعتذر للمطران لاني سيمتك شاعر المطران
ولكن لا اعتقد ان هناك مطيري بيننا الا انت

ههههههههه

تقبل تحياتي وخالص تقديري

[محمد الشريف]

صح لسانك يبو حسين ولاهنت قصيده جزله

[حسن آل خريم]

..


صح اللهـ لسآنك يَ نآصر الشريف .. شاعر جزل و قصيدهـ في مكانها


؛

[بدر الشدادي]

صح السانك مليون ياناصر الشريف وبيض وجهه يابن حسين
تحيتي لك

[عبد العزيز الهزاع]

أخووووي ناصر بن حسين
شاعر ولا فيك حيله متمكّن وراقي ومتميّز
برقي فكرك وجمال حضورك أخوي

لي خطوة تمشي على طول قدام
مثل السما لا هل وابل مطرها
جدي شرع للعالم اداب السلام
وانا لفيت اذكر اللي شطرها
اسلوب شاعر مات في صمت الايام
يا اما يعذب قوم والا قهرها


فقط كنت هنا أسجل إعجابي بهذه الراقيه
تقبل مروري وموفور الاحترام

أخوووووووووووك