طرف سكينها

[رشيد]

الشاعر / ناصر تراحيب
...........

طرف سكينها

...
..
.




البارحه ما أقدر أقول إنّي بكيت
وأنا المعين اللي تبيه يعينها

.

أسمع وأسوي كأنّي اللي ما دريت
وأصّد وأخفي دمعتي عن عينها

.

قلبي قوي.. لكنّ والله ما قويت
أقاوم شعور الغلا.. في حينها

.

تناثر الدمع وبكيت.. ولا شكيت
الاّ على روحٍ تنادي (وينها) ؟

.

وراحت مشاعرها وجتني كمبليت
وطاحت بي اللوحه على تلوينها !
.

ورسمتها لوحة غرام ولا أنتهيت
لين إستمدت زينها من زينها

.

وعلقتها في متحف الفكر وسريت
دام الليالي ما جفت سارينها

.

يا ليل عذراً كم هقيت وكم هقيت
لين إنّ نفسي ضاعت بتخمينها

.

يا ليل أعرفك كم تجملت ووفيت
أمين، والعالم فقدت أمينها

.

قل للحبيبه لو تكلفت وعنيت
أنت الرجاء بين الحياه وبينها

.

وبشويش داعبها ليا منّك حكيت
تعرف مشاعرها وتعرف لينها

.

مدري بديت بحبها والاّ إنتهيت
بس الأكيد إنّي بقيت رهينها

.

لحظة لقانا إنّ نسيت أو ما نسيت
إيّاك يا روح الغلا تنسينها

.

امّا أرمي ورود المحبه كان جيت
والاّ إرمي الذكرى على تأبينها

.

روحي إذّا ودّك لو إنّي ما رضيت
وإخذي معك روحي إذا تبينها

.

والاّ تعال وتالي الإحساس بيت
يكفيني عن أبياتي وتلحينها

.

يوم اقتلتني في محبتها يا ليت
يا ليتها حدّت طرف سكينها !


.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[ريف الصبا]

صح لسان الشاعر
وعوووووووووووافي ع الطرح

[رشيد]

اقتباس المشاركة الأصلية كتبت بواسطة ريف الصبا صح لسان الشاعر وعوووووووووووافي ع الطرح

[عامر صالح ال شنيف]

ايوا الله صح الله السانك يا الجزل وتسلم ايدك يا رشيد