عـــــــــــــــــزف و نـــــــــــــــــزف

[مـاجد الشمري]

بسم الله الرحمن الرحيم

تم بحمد الله افتتاح المدونه

عشان الم شمل احاسيسي المبعثره فيها . من الضياع

هنا سووووف يكوون التفريغ العاطفي الناتج من الفراغ العاطفي


وطبعا كل مايكتب هنا بقلمي ..واللي ناوي يلطش خربشاتي يبلغني ^_^

والديوان مفتووح للجميع ..

ونبداء ونقوول


اللي بقصيدي اوصـفـه من خيالي

اوهام شــاعر كلها مــو حـقيـقـه

عند الصحيح القلب يابنت خالي

ودرب الهوى عندي عساه بحريقه

قلبـــي مهو للكل قلبي لحالــي

مايسكنه مخلـــوق بأية طـريقه



,,,,,


اسـمي بــدا بالـمـنــتــدى يشــع نووره

هذي بدايه والنـهـــايه كـمــا الشــمـس

الشـعـــــر بروازي وانا فـــيـــــه صـوره

وكلن بصم لي بالجزاله على الخمــس

,,,,,,,,,,,


انا خوي الذيب وراعي مواجيب

شاعر شمالي والقصايد جزيله

ابوي رباني على العز والطيب

مربى اصيل ومرضعتني اصيله

بفضل ربي صرت خالي عذاريب

ماجبت له في يوم عيب وفشيله

ما انجرف ومهذب النفس تهذيب

ولا همني سود العيون الكحيله

 

 

 

 

 

 

 

 

توقيع : مـاجد الشمري

مدونتي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] , , صفحتي عبر : [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] تويتر ( majed99beeek ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[مـاجد الشمري]

لا ضاق صدرك من حيــاتك ومـليت

الحـــــل والله ركــعـتـيـن بـصــلاتك


جرّب ليا من ضاق صـدرك وصليت

شف بعدها وشلون تصبح حيـاتك

[مـاجد الشمري]

يفداك قلبي يابعد قلب ماجد


ياروعة الدنيا وبسمة سنيني

صحيح اشوف من الغنادير واجد

لاكن غيرك ما ملت بنت عيني

[مـاجد الشمري]

قالت من انت وقلت شايب وعايب


دايم قصيدي بالبنات الشماحيط

واليوم طلقت المحبه وتايب

دام المحبه كل ابوها خرابيط

[مـاجد الشمري]

^_^


ياشين وجه البنت من دون مكياج

الله يجزى كل من يصـنـعووونه

البنت من دونه قسم تحرج احراج

ياشـيــنـهــا ياناس والله بــدونــه

[مـاجد الشمري]

وش الغريب ان شفت في عيني دمــوع

دام الأمــــــل مـقـطـوع بالابتســــامــــه

اضـحـك وتـطـفي للفـرح فيني شـمـــوع

وابكي تقــــول النــاس يبــكــي عـلامـه

[مـاجد الشمري]

ابيات يتيمه


ياللي طعنت القلب بيدك وانا اشوف
ما للخيانه حل كود الخيانه

,,,,,

ان كان قلبك عذّبت فيه الاشواق

قلبي انا يابنت ميت من الشوق


,,,,,

ياللي اسرت الرروح وشوله ترووح

وانته حيات القلب وانته ممـــــــاته

,,,,

مهما كتبت من القصايد دواويين

تبقى بحياتي انت اجمل قصيده

[مـاجد الشمري]

مايدوم غـيــر الله ولا فيه دايـــم

تكفى يبو متعب ترى العمر مره

شعبك يموت من القهر والظلايم

عطنا من الميسور مثقال ذره

بطانتك ساس البلا والجرايم

من جورهم ترنا شبعنا مضره

بدّل معاليـهـم بأهل العمـــايم

ان كان ودك شعبك يزول شره

[مـاجد الشمري]

هذي سحابة صيف مرت وراحت

والجـــو اصبح تعتليه الكآبــه

بذنوبنا ما دامها الارض فاحت

ماهي غريبه لو تروح السحابه

[مـاجد الشمري]

هذي ثلاث سنين نومي تقاطيع

متى على الله ارقد الليل كله


مليت من كثر السهر والمشاريع

ومليت من حظن غدا اليوم عله