+ هيضتني يا ورق +

[رشيد]

.


يا ورق ياللي هيض القلب بالنوح
مدري طرب وألا من الحزن ياورق

.

ياللي تجر النوح فيّة الدوح
هيضتني ياورق في جّرة الطرق

.

إن كان مجروحٍ ترى القلب مجروح
انته وأنا في الحال ما بيننا فرق

.

من وحدةٍ مسكانها داخل الروح
غرقت في قاعة بحر حبها غرق

.

أبو كلامٍ لانطق جاك مملوح
وأبو ثناياً لاضحك وابتسم فرق

.

وأبو جديلٍ كنه الليل مشوح
وأبو خديدٍ لاتبين سنا برق

.

حبيتها والقلب في الحب مطروح
رمحٍ مرق في داخلي بالولع مرق

.

راع الهوى لو يكتم السر مفضوح
الحب يحرق مهجته بالولع حرق

.

الحب يبني صرح واْيهدّم صروح
باللي سرقت القلب من داخلي سرق

.

طولت مالك في عنا القلب مصلوح
وادموع عينٍ لا انتثر غزرها زرق

.

ان كان ناسي ياعنا القلب مسموح
وان كان جافي ما اعرف الذل والدرق

.

ان كان حبك لي مواعيد وجروح
شجره تراها مالها في الثرى عرق

.

الحب عمره مايجي ضحك ومزوح
رمحٍ ليامنه زرق صاحبه زرق

.

يقضي على قلبٍ معاليقه تفوح
ويطرق معاليقه على زرقته طرق

.
اسم القصيده وقائلها :
+ هيضتني يا ورق +
للـشــــــــاعـر /

حباب ذعار بن شويش العتيبي


.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -