ياصاحبي وش فيك عفت القصايد

[ظافر العرجاني]

السلام عليكم ورحمة الله وبركاته

هذا واحد من الربع وشاعر ولكن له فتره معد كتب
فاحبيت ارسله ابيات عشان يرد علي

فقلت انا

ياصاحبي وش فيك عفت القصايد
ولاعاد لك شف(ن) على بدعة القاف

من اول(ن) تبدع جزيل الفرايد
وكنك تقول اليوم ذا الشعر ينعاف

تــراك فـالقـمـه وللــشعر رايــد
وابياتك ثقال(ن) ولا تاتي خفاف

تراك حر(ن) دايم الدوم صايد
صيدك جزيل الشعر ولاتاكل عجاف

ماهو على كيفك تعيف النشايد
عطني جديدك لو يثمّن بلالاف

رد علي ويقول

يامرحبا ياللي على الناس زايد
بالمرجله والطيب له فعل ينشاف

اعداد ماغنا حمام الجرايد
يامرحبا واهلين يانسل الاشراف

الشعر دوله بس من دون قايد
وفالشعر لي صوله وجوله وميقاف

لاشفت مرّاس الشعر فالجرايد
وصور ناس(ن) فالمجله والاغلاف

يدورون من القصيده الفوايد
عفت الشعر لو كان ماهو بينعاف

وسلامتكم

 

 

 

 

 

 

 

 

[بدر الشدادي]

تــرا فـالقـمـه وللــشعر رايــد
وابياتك ثقال(ن) ولا تاتي خفاف

صح السانك ياطافر العرجاني

يدورون من القصيده الفوايد
عفت الشعر لو كان ماهو بينعاف

صح السانك خويك
مميزين كلكم ماشالله عليكم
تقبلو مروي واعجابي بما كتبتم

[محمد الشريف]

الله الله يالعرجاني صح الله لسانك ولسان رفيقك انت ماتجيبها الا في سدد ياضافر لاهنت على الهامك بالشي

[عبدالله القحطاني]

صح لسانك انت ورفيقك وبيض الله وجيهكم
والله دخلت بوقت ماهو جو نقد مع ان فيه بعض الملاحظات
لكن شعراء متميزين واعجبني رد خويك من حيث توضيحه لسبب
عدم كتابته للشعر

[ظافر العرجاني]

صح الله ابدانكم جميع
وبيض الله وجهيكم على مروركم اللي شرفني

[الماسـه]

ماشاء الله صح لسانك ضافر
وصح لسانه الشاعر الثاني
قصيده وردها وافي

تسلم ظافر الله يحفظك يارب

[ظافر العرجاني]

الماسه

صح بدنك ولاهنتي يالغاليه
على المرور اللي شرفني

[شآسع المري]

يامرحبا ياللي على الناس زايد
بالمرجله والطيب له فعل ينشاف

ظآفر عزلله تستاهل الثنـآء

صح الله اللسانك ولسانه

[مـاجد الشمري]

صح لسانك ولسانه

مجاراة رائعه

بارك الله فيكم