رسالتي من خارج الوطن إلى والدتي .. سهيل

[عبدالرحمن بن عبدالمحسن]

السلام عليكم ورحمة الله وبركاته

مساؤكم طاعه .. وأسعد الله أوقاتكم ..
اليوم حبيت أشارك بأبيات هاضت بها قريحتي بشوقي لوالدتي أطال الله في عمرها .. ولغربتي ..
وعسى أنا الله يجمع شمل كل من فرضت عليه الظروف فراق أهله .. وهي موجه لأخي (( مشاري ))

يقووول :..
يامشاري والله إن حزني بخفاقي لحونه .. تورد اللي راوي بالونس لعدود البكاء
والحشا هزت صدى بقعاء وقسوتها ركونه .. وميسم الفرقى وحسرتها على الخافق ركى
لو على عين الطليق اللي ابد ما اخلف ظنونه .. مثل ماني حالتي تبهج خفوقه بالحكى
مثل عود جمت بموت اطيب عياله عيونه .. ومن مخافه حزن باقيهم تعانز وارتكى
المهم ان جيت من يسهر على شاني جفونه .. ويتعب ويشقى على شان استريح وما شكى
بلغه مني سلام وقبل ايديه المصونه .. وضمه الين تغدي ارواحكم شبه شركا
وقله ان طيرش هداده فرق لو يتعبه كونه .. والعدا من وقع مخلابه حزينه ودركى
وان ولدها شوقه لشوف امه يثقل متونه .. وان عيونه من فراق امه عطاشى وهلكى
قالها من صد خطواته عن دروب المهونه .. ولا على غير الله الوالي بحزنه ما اشتكى


ســـــــــــــوالـــــــــــــم

 

 

 

 

 

 

 

 

توقيع : عبدالرحمن بن عبدالمحسن

أقسى كلامي لك رجاء .. وأعذب كلامك لي جروح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]